१० वर्षे अवधिको प्रभु बैंकको ऋणपत्रमा आजदेखि आवेदन दिन सकिने

जेठ ११, काठमाडौं । प्रभु बैंकले आज (मंगलवार)देखि १० वर्षे अवधिको वार्षिक ८ दशमलव ५ प्रतिशत ब्याजदरको ऋणपत्र विक्री खुला गर्ने भएको छ । कम्पनीले कुल ४० लाख कित्ता ऋणपत्र विक्री गर्न लागेको हो । कुल कित्तामध्ये कम्पनीले १६ लाख सामूहिक लगानीकोष सहित सर्वसाधारणमा विक्री गर्नेछ भने २४ लाख कित्ता व्यक्तिगत तवरबाट विभिन्न व्यक्ति तथा संघ संस्थाहरुलाई विक्री गर्नेछ । सर्वसाधारणका लागि छुट्याएको मध्येबाट २ हजार ५०० कित्ता ऋणपत्र सामूहिक लगानी कोषका लागि बाँडफाँट गरी बाँकी १५ लाख ९७ हजार ५०० कित्ता ऋणपत्र सार्वजनिक निष्कासन गर्न लागेको हो । ‘प्रभु बैंक डिबेञ्चर २०८७’ नामको यो ऋणपत्र माग बमोजिम आवेदन परेमा छिटोमा जेठ १६ गतेसम्म विक्रीमा रहनेछ । उक्त अवधिभित्र माग बमोजिम आवेदन नपरेमा जेठ २६ गतेसम्म ऋणपत्र विक्रीमा रहने कम्पनीले जानकारी दिएको छ । प्रति ऋणपत्र रू. १ हजार दरको यो ऋणपत्रमा न्यूनतम २५ कित्तादेखि अधिकतम १० लाख कित्तासम्म आवेदन दिन सकिनेछ । विक्री प्रबन्धकमा मेगा क्यापिटल मार्केट लिमिटेड रहेको छ । विक्री प्रबन्धकसँगै ऋणपत्र खरीदका लागि आस्बा सेवामा सहभागी सम्पूर्ण बैंक तथा वित्तीय संस्थाहरु र तीनका शाखा कार्यालयसँगै मेरो शेयर मार्फत पनि आवेदन दिन सकिनेछ ।

पूर्ण विवरण

सम्बन्धित सामग्री

एसबीआई बैंकको ऋणपत्रमा आजदेखि आवेदन दिन सकिने

काठमाडौं । नेपाल एसबीआई बैंकले आज (साउन १८ गते) देखि २ अर्ब रुपैयाँ बराबरको ऋणपत्र बिक्री खुला गरेको छ । एसबीआईले १० वर्ष अवधिको ‘९% नेपाल एसबिआई बैंक ऋणपत्र २०८९’ बिक्री खुला गरेको हो । बैंकले प्रतिइकाई १ हजार रुपैयाँको दरमा २० लाख इकाई ऋणपत्र जारी गरेको हो । यसमध्ये १२ लाख इकाई बैंकले आफ्नै […]

नेपाल समाचारपत्र आषाढ २०८०

निफ्राको ऋणपत्रमा आवेदन दिने म्याद थप

काठमाडौं, पुस ४ । नेपाल इन्फ्रास्ट्रकचर बैंक (निफ्रा)ले निष्काशन गरेको ऋणपत्रमा आवेदन दिने म्याद थप भएको छ। बैंकले यस ऋणपत्रमा पुस ४ गतेसम्म आवेदन दिन सकिने जनाएपनि अव पुस १४ गतेसम्म आवेदन दिन सकिने ब्यबस्था गरेको छ । बैंकले मङ्सिर २९ गतेदेखि उर्जा ऋणपत्र बिक्रि खुला गरेको छ। बैंकले ५ अर्ब बराबरको ५० लाख कित्ता […]

Reporters Nepal मंसिर २०७९

नेपाल एसबिआई बैंकको ऋणपत्रमा आवेदन दिने समय थप

नेपाल एसबिआई बैंकको ऋणपत्रमा आवेदन दिने समय थपिएको छ ।आइतबार बकर इदका लागि सरकारले सार्वजनिक विदा दिएपछि एक दिन समय थपिएको छ । ऋणपत्रमा २७ असारसम्म आवेदन दिन सकिने छ । ऋणपत्र २२ असारदेखि निष्कासन गरेको छ ।ऋणपत्रमा न्यूनतम २५ कित्तादेखि अधिकतम १२ लाख कित्तासम्म आवेदन दिन सकिने छ । ऋणपत्रमा सी–आस्वा सदस्य बैंक तथा […]

कारोबार दैनिक जेष्ठ २०७९

सानिमा बैंकको ऋणपत्रमा आज पनि आवेदन दिन सकिने

सानिमा बैंकको ऋणपत्रमा आवेदन दिने आज अन्तिम दिन हो । आज कार्यालय समयभित्र यसमा आवेदन दिन सकिनेछ । बैंकले असार १० गते ५ अर्ब रुपैयाँ बराबरको ऋणपत्र निष्कासन गरेको थियो । यसले प्रतिइकाई १ हजार रुपैयाँको दरमा ५० लाख इकाई ऋणपत्र जारी गरेको हो । यसमध्ये ३० लाख इकाई बैंकले आफ्नै पहलमा अन्य संघसंस्थालाई बिक्री गर्ने छ । बाँकी २० लाख इकाई सर्वसाधारणका लागि बिक्री खुला भएको हो । यस ऋणपत्रमा सामूहिक लगानी कोषबाट कुनै पनि आवेदन नपरेकाले २० लाख इकाई नै सर्वसाधारणलाई निष्कासन गर्ने कम्पनीले जनाएको छ । स

Ratopati जेष्ठ २०७९

सिद्धार्थ बैंकको ऋणपत्रमा आवेदन दिने म्याद थपियो

सिद्धार्थ बैंकले निष्काशन गरेको ऋणपत्रमा आवेदन दिने म्याद थप भएको छ । बैंकले असार १० गतेदेखि ऋणपत्र बिक्रि खुला गरेकोमा छिटोमा असार १४ गतेसम्म आवेदन दिन सकिने जनाएको थियो । असार १४ गतेसम्म पर्याप्त आवेदन नपरेपछि बैंकले ऋणपत्रमा आवेदन दिने म्याद थप भएको हो । अब लगानीकर्ताले असार २४ गतेसम्म आवेदन दिन सक्ने छन्। यद्यपि असार २४ गते अगावै नै पर्याप्त आवेदन आएमा सार्वजनिक सूचना जारी गरेर असार २४ गते अगाडी नै ऋणपत्रको बिक्रि बन्द गरिने बैंकले जनाएको छ । सिद्धार्थले १,००० अंकित दरको ४० लाख कित्ताले हुन आउने ४ अर्ब बराबरको ऋणपत्र निष्काशन गरेको हो । जस मध्ये २४ लाख कित्ता अर्थात् २ अर्ब ४० करोड बराबरको ऋणपत्र निजि अर्थात् व्यक्तिगत तबरले बिक्रि गरिने र बाँकि १६ लाख कित्ता अर्थात् १ अर्ब ६० करोड बराबरको ऋणपत्र सर्बसाधारणलाई बिक्रि गरिने बैंकले जानाएको छ । ऋणपत्र निष्काशनको लागि कुमारी क्यापिटल बिक्रि प्रबन्धक रहेको छ । आवेदन दिंदा न्यनतम २५ कित्ता र अधिकतम १ लाख कित्ता सम्मको लागि आवेदन दिन सकिने छ । १० वर्षे अवधिको यस ऋणपत्रमा बैंकले १०.७५ प्रतिशत ब्याज प्रदान गर्ने छ ।

Bizpati जेष्ठ २०७९

एभरेष्ट बैंकको ऋणपत्रमा आवेदन दिने म्याद थप

एभरेष्ट बैंक Everest Bank Limited को ऋणपत्रमा आवेदन दिने म्याद थप भएको छ । बैंकको ऋणपत्रमा छिटोमा आज माघ ६ गतेसम्म आवेदन दिन सकिने बताइएकोमा सो अवधिसम्ममा पूर्ण आवेदन नपरेपछि अब ढिलोको मिति अर्थात् माघ १७ गतेसम्ममा आवेदन दिन सकिने भएको हो। बैंकले माघ ३ गतेदेखि ऋणपत्र बिक्रि खुला गरेको छ । कम्पनीले १,००० अंकित दरको २० लाख कित्ताले हुन आउने २ अर्ब बराबरको ऋणपत्र निष्काशन गरेको हो । जस मध्ये १२ लाख कित्ता निजि तबरले बिक्रि गरिने र ८ लाख कित्ता सर्बसाधारणलाई बिक्रि गरिने बैंकले जानाएको छ । सर्वसाधारणलाई छुट्याईएको ८ लाख कित्ता मध्ये ४० हजार कित्ता सामुहिक लगानी कोषको लागि छुट्याईएको छ । ऋणपत्र निष्काशनको लागि एनआईबिएल एस क्यापिटल बिक्रि प्रबन्धक रहेको छ । ८ वर्षे अवधिको यस ऋणपत्रमा बैंकले ८.५ प्रतिशत ब्याज प्रदान गर्ने छ । आवेदन दिंदा न्युनतम २५ कित्ता र अधिकतम १ लाख कित्तासम्मको लागि दिन सकिने छ ।नेपाल धितोपत्र बोर्डले कम्पनीलाई मङ्सिर २० गते ऋणपत्र निष्काशनको अनुमति प्रदान गरेको हो ।

Bizpati पौष २०७८

गरिमा विकास बैंकको ऋणपत्रमा आवेदन दिने म्याद थप

गरिमा विकास बैंक Garima Bikas Bank Limited को ऋणपत्रमा आवेदन दिने म्याद थप भएको छ । कम्पनीले मङ्सिर १६ गतेदेखि ऋणपत्र बिक्रि खुला गरेकोमा छिटोमा मङ्सिर २० गतेसम्म र ढिलोमा पुस १ गतेसम्म आवेदन दिन सकिने ब्यबस्था गरिएको थियो ।सोहि अनुसार अब ढिलोको मिति पुस १ गतेसम्म आवेदन दिन सकिने बैंकले जनाएको छ । यद्यपि सो समय अगाडी नै पूर्ण आवेदन परेमा सो अगावै नै सार्वजनिक सूचना निष्काशन गरेर बिक्रि बन्द गर्न सकिने बैंकले उल्लेख गरेको छ । बैंकले १ हजार अंकित दरको १० लाख कित्ताले हुने रु.१ अर्ब रकम बराबरको ऋणपत्र निष्काशन गरेको हो । जस मध्ये ६ लाख कित्ता अर्थात् ६० करोड रुपैयाँ बराबरको ऋणपत्र निजि तबरबाट बिक्रि हुने छ भने ४ लाख कित्ता अर्थात् ४० करोड रुपैयाँ बराबरको ऋणपत्र सर्वसाधारणको लागि बिक्रि खुला गरिने बैंकले जनाएको छ । सर्वसाधारणको लागि छुट्याईएको मध्ये ५ प्रतिशत अर्थात् २० हजार कित्ता सामुहिक लगानी कोषहरुको लागि छुट्याईएको छ ।यस ऋणपत्रमा बैंकले ८.७५ प्रतिशत ब्याज प्रदान गर्ने छ । एनआईबिएल एस क्यापिटल ऋणपत्रको निष्काशन तथा बिक्री प्रबन्धकको रुपमा रहेको छ । आवेदन दिंदा न्युनतम २५ कित्ता र अधिकतम १ लाख कित्ताको लागि दिन सकिने छ । नेपाल धितोपत्र बोर्डले बैंकलाई कार्तिक १७ गते ऋणपत्र निष्काशनको लागि अनुमति प्रदान गरेको थियो।

Bizpati कार्तिक २०७८

८.५ % ब्याजदरको माछापुच्छ्रे बैंकको ऋणपत्रमा आजदेखि आवेदन दिन सकिने

असार ३१, काठमाडौं । माछापुच्छ्रे बैंक लिमिटेडले आज (बिहीवार) देखि ऋणपत्र निष्कासन तथा विक्री खुला गर्ने भएको छ । कम्पनीले वार्षिक ८ दशमलव ५ प्रतिशत ब्याजदरमा १० वर्षे अवधिको ‘८.५० प्रतिशत माछापुच्छ्रे डिबेन्चर २०८७’ निष्कासन तथा विक्री खुला गर्न लागेको हो । कम्पनीले प्रतिकित्ता रू. १ हजार अंकित दरका ३ अर्ब रुपैयाँ बराबरको ३० लाख कित्ता ऋणपत्र निष्कासन गर्न लागेको हो । जसमध्ये कम्पनीले रू. १ अर्ब २० करोड बराबरको १२ लाख कित्ता सर्वसाधारणलाई विक्री गर्नेछ भने बाँकी रू. १ अर्ब ८० करोड बराबरको १८ लाख कित्ता व्यक्तिगत तवरबाट विक्री गर्ने भएको हो । सर्वसाधारणका लागि निष्कासन गरिएकोमध्ये ५ प्रतिशत अर्थात ६० हजार कित्ता ऋणपत्र कम्पनीले सामूहिक लगानी कोषका लागि छुट्याएको छ । छिटोमा साउन ४ गते र ढिलोमा साउन १७ गतेसम्म विक्रीमा रहने विक्रीमा रहने यो ऋणपत्र खरीदका लागि न्यूनतम २५ कित्तादेखि अधिकतम ५ लाख कित्तासम्म आवेदन दिन सकिनेछ । इक्रा नेपालले यस बैंकलाई न्यून कर्जा जोखिम जनाउने ‘इक्राएनपी आईआर ए माइनस एटदरेट’ रेटिङ प्रदान गरेको छ । सो रेटिङ प्राप्त गर्ने संस्थाहरुलाई समयमा नै वित्तीय दायित्व पूरा गर्ने र कर्जा जोखिम न्यून भएको मानिन्छ । यो ऋणपत्र विक्री प्रबन्धकमा नबिल इन्भेष्टमेन्ट बैंकिङ लिमिटेड रहेको छ । विक्री प्रबन्धकसँगै आस्बा सेवामा सहभागी सम्पूर्ण बैंक तथा वित्तीय संस्था र तीनका शाखा कार्यालयबाट आवेदन दिन सकिने व्यवस्था छ । उक्त ऋणपत्र विक्रीका लागि कम्पनीले असार १६ गते नेपाल धितोपत्र बोर्डको स्वीकृति पाएको थियो ।

Aarthik Abhiyan आषाढ २०७८

एनएमबि बैंकको उर्जा ऋणपत्रमा आजदेखि आवेदन दिन सकिने

एनएमबि बैंकले आज (जेठ ९ गते) देखि १५ वर्षे अवधिको १ अर्ब ५० करोड रुपैयाँ बराबरको ऋणपत्र निष्काशन तथा बिक्री खुला गर्ने भएको छ। बैंकले वार्षिक ४ प्रतिशत ब्याजदर प्रदान गर्नेगरी ‘एनएमबि उर्जा ऋणपत्र ४ प्रतिशत २०९२/९३’ नामको ऋणपत्र बिक्री गर्न लागेको हो। बैंकले निष्काशन गर्न लागेको प्रतिकित्ता १ हजार दरको कुल १५ लाख कित्ता ऋणपत्र मध्ये ९ लाख कित्ता व्यक्तिगत तवरबाट बिक्री गरिनेछ भने बाँकी ६ लाख कित्ता सर्वसाधारणमा बिक्री गर्नेछ। जसमा ५ प्रतिशतका दरले ३० हजार कित्ता सामूहिक लगानी कोषका लागि सुरक्षित गरिएको छ। बाँकी ...

Lokaantar बैशाख २०७८

एनएमबि बैंकले जेठ २ गतेदेखि ऋणपत्र निष्कासन गर्ने, कहिलेसम्म आवेदन दिन सकिने ?

कठामाडौं, २४ बैशाख । जेठ २ गतेदेखि एनएमबि बैंकले ऋणपत्र निष्कासन गर्ने भएको छ । बैंकले १० वर्षे अवधिको ८.५ प्रतिशत ब्याजदर भएको २ अर्ब बराबरको २० लाख कित्ता ऋणपत्र विक्री खुला गर्ने भएको हो । ‘एनएमबि ऋणपत्र ८.५–२०८७/८८’ नाम दिइएको यस ऋणपत्रमा १ हजार रुपैयाँको दरले १२ लाख कित्ता व्यक्तिगत तर्फबाट र ८ लाख […]

Reporters Nepal चैत्र २०७७