भारतको बलिउडका चर्चित अभिनेता मिथुन चक्रवर्ती सत्तारुढ भारतीय जनता पार्टी(बीजेपी)मा प्रवेश गर्नुभएको छ । मिथुन चक्रवर्ती बीजेपीका बंगाल राज्यका प्रमुख दिलीप घोषको उपस्थितिमा दल प्रवेश गर्नुभएको हो ।
७० वर्षीय मिथुन चक्रवर्ती पश्चिम बंगालको प्रतिनिधित्व गरी त्रिणमूल कँग्रेसको मनोनयनमा दुई वर्षका लागि राज्यसभा सदस्य हुनुभएको थियो । उहाँ राज्यसभा सदस्यबाट राजिनामा गरेर बीजेपी प्रबेश गर्नुभएको हो । राज्यसभा चुनाबको पूर्बसन्ध्यामा मुख्यमन्त्री ममता बेनर्जीले नेतृत्व गर्नुभएको त्रिणमूल कँग्रेस परित्याग गरी बीजेपी प्रवेश गर्नेहरुको सङ्ख्या बढेको भारतीय सञ्चारमाध्यमहरुले जनाएका. छन् ।
