मनाङ मस्र्याङ्दी क्लव हिमालय शेर्पा क्लवलाई स्तव्ध पार्दै मुख्यमन्त्री सुदूरपश्चिम खप्तड गोल्डकप फुटवल प्रतियोगितामा फाईनल प्रवेश गरेको छ । धनगढी रंगशालामा बुधवार भएको पहिलो सेमिफाइनल खेलमा हिमालयन शेर्पालाई पेनाल्टी शुटआउटमा ४–२ गोलको अन्तरले पराजित गर्दै मनाङ फाईनलको यात्रा तय गर्न सफल भएको हो । प्रतिस्पर्धात्मक बनेको खेल निर्धारित समयमा १, १ गोलको वरावरीमा सकिएपछि पेनाल्टी शुट आउटमा धकेलिएको थियो । हिमालयनका दुई खेलाडीले पेनाल्टीमा गोल गर्न चुक्दा मनाङले बाजी मार्यो ।
