सशस्त्र प्रहरीले पर्साको वीरगञ्ज महानगरपालिका-१६ इनरुवा इलाकाबाट मंगलवार झण्डै चार किलो ग्राम चरेस बरामद गरेको छ ।
आठ वटा प्याकेटमा रहेको तीन किलो ९०० ग्राम चरेस सशस्त्र प्रहरी बल नेपाल नम्बर १३ गणको गस्ती टोलीले बरामद गरेको हो ।
नेपालबाट भारततर्फ जाँदै गरेको व्यक्तिले गस्तीमा खटिएको सशस्त्र प्रहरीलाई देखेपछि झोला फालेर भागेको बताइएको छ ।
सो झोला बरामद गर्दा चरेस फेला परेको सशस्त्र प्रहरीले जनाएको छ । बरामद चरेस नेपाल प्रहरीलाई बुझाइएको छ ।
