माओवादी केन्द्रको पोलिटब्यूरोमा प्रचण्डपुत्री रेणु दाहाल पनि

नेकपा माओवादी केन्द्रले १ सय २५ सदस्यीय पोलिटब्यूरो गठन गरेको छ । विगत केही दिनदेखि राजधानीको प्रज्ञा प्रतिष्ठानमा बसिरहेको केन्द्रीय समितिको बैठकले बिहीवार पोलिटब्यूरो गठन गरेको हो ।अध्यक्ष पुष्पकमल दाहाल 'प्रचण्ड'ले पोलिटब्यूरो सदस्यहरूको नाम वाचन गरेका थिए । पोलिटब्यूरोमा प्रचण्डले आफ्नी छोरी तथा भरतपुर महानगरपालिकाकी मेयर रेणु दाहालसमेतलाई राखेका छन् । प्रचण्डले आफूलगायत नारायणकाजी श्रेष्ठ, कृष्णबहादुर महरा,गिरिराजमणि पोखरेल, नारायण दाहाल,हितबहादुर तामाङ, झक्कुप्रसाद सुवेदी, सुरेश राई, शशी श्रेष्ठ, रेखा शर्मा,अञ्जना विशंखे, रामकुमार यादव, अमृता थापा, महेश्वर दाहाल,दिलिप प्रजापति,लेखनाथ न्यौपाने, रामेश्वर राय, गणेश साह, देवेन्द्र पौडेल,ओनसरी घर्ती,दिपेन्द्र पुन, सत्या पहाडी, रेणु दाहाल, केशव नेपाल, युवराज दुलाल, निर्मल आचार्य,अमर तमु, माधव सापकोटा, कुमारी मोक्तान,शक्तिबहादुर बस्नेत,लिलामणि पोखरेल, रामदीप आचार्य,मातृका यादव, शालिकराम जमरकट्टेल, खिमलाल देवकोटाको नाम पढेर सुनाएका हुन् ।