‘तालदेखि तालसम्म साइकल ट्रयाक’ बनाउँदै पोखरा महानगर

पोखरा लेकसाइडका धर्म बहादुर लामिछाने साइकल चढ्न थालेको ४० वर्ष भयो आफू १२ वर्षको हुँदादेखि साइकल चलाउन मन पराउने लामिछानेको साइक्लिङ मोह उमेरसगै बढदै गैरहेको छ । उहाँ हरेकदिन साइक्लिङका गर्नुहुन्छ । साइकल यात्रामा उहाँ सँगै थुप्रै पोख्र्ली युवाको टिम छ । शनिबार १२ घण्टा र अन्य बार ३ घण्टा दैनिकी जस्तै बनेको छ । पोखराको मुख्य सहरी भागमा भन्दा डाँडाकाँडामा साइक्लिङ गर्न मन पराउने उहाँ बेगनासताल रुपाताल, भदौरे तमादि, पञ्चासे काडे, कालिका स्थान धेरै पटक पुगीसकेको बताउनुहुन्छ । पोखरा आसपासका सबै ठाँउहरु साइकल यात्रा गरिसक्नु भएका लामिछाने यहि कात्तिक १९ गते १८ जनाको समूहसहित मनाङ तिलिचोतालको यात्रामा निस्किने जानकारी दिनुभयो । “मेरो संयोजकत्वमा १८ जनको टिम तिलिचोताल जादैछौ, आन्तरिक पर्यटन प्रवद्र्धनका लागी पोखरा ‘माउन्टेन बाइक एडभेन्चर ,को आयोजनामा “कोभिड १९ च्यालेन्ज २०२० साइकल टुर ”जान लागेको हौ,। उहाँले भन्नुभयो । “आन्तरिक पर्यटनका लागी साइकल यात्रा पनि गर्न सकिन्छ र यसले पनि डाँडाकाडाँमा व्यसाय गर्नेलाइ पनि सहयोग पुग्छ भन्ने सन्देश दिन खोजिएको हो,। लामिछानेले थपनु भयो । पोखरा लेकसाइडका स्थानियवासी लामिछाने उमेरले ५० कटिसकेको भए पनि ४० भन्दा कम उमेरको देखिनुहुन्छ । ५ वर्षदेखि साइक्लिङ गर्दै आउनु भएकि पोखरा ७ की दुर्गा अधिकारी साइकलिङ आफ्नो स्वाथ्यका लागी वरदान भएको बताउनुहुन्छ । “फिजीकल एक्सरसाइज, सुगर प्रेशर लाग्नबाट बचाउछ, छिटो रोगले आक्रमण गर्न सक्दैन् ।” पेशाले संचारकर्मि रहनु भएकी अधिकारी टिम सँगै साइकल यात्रामा तिलिचोताल पुग्ने आँट गरेको बताउनु हुन्छ । “पोखरामा पोखरेली मात्र नभएर विदेशी पर्यटक पनि साइक्लिङमा रमाएको भेटिन्छन् । फेवातालका किनार हुँदै पामे, खपौँदी, र डाडाकाडाँमा पनि पर्यटक भेटिने गर्छन् । पोखरामा साइक्लिङ कल्चर बढिरहेको अधिकारी बताउनुहुन्छ ।