अमिताभ बच्चन अभिनित फिल्म ‘झुण्ड’ को रिलिज मिति घोषणा गरिएको छ । अभिनेता बच्चनले सामाजिक सञ्जालमा एक पोष्टर शेयर गर्दै फिल्मको रिलिज मिति सार्वजनिक गरेका हुन् । फिल्मको प्रदर्शन मिति ४ मार्च २०२२ बताइएको छ ।नागराज पोपटराव मन्जुले फिल्मको निर्देशन गरेका हुन् । फिल्ममा बच्चन स्मल सकरका संस्थापक विजय बरसेको भूमिकामा छन् । जो बस्तीका केटाकेटीहरूलाई फुटबल टोली बनाउन प्रेरित गर्दछन् र उनीहरुलाई जीवनको उद्देश्यबारे उपदेश दिन्छन् ।
