कच्ची सडक सञ्चालले जोडिएको दुई दशक पछि बागलुङ सदरमुकामदेखि जैमिनी नगरपालिका जोड्ने सडक कालोपत्रेको काम तीव्र पारिएको छ ।
बागलुङ बजारदेखि कुश्मीसेरा जाने सडकको दश किलोमिटर खण्डमा कालोपत्रेको काम अन्तिम चरणमा पुगेको हो । यो सडक ट्रयाक खुलेको दुई दशक पछि कालोपत्रे हुन लागेको हो । गण्डकी प्रदेश सरकारले स्तरीकरणमा प्रादेशिक सडक ‘क’ वर्गमा परेको यो सडक कालोपत्रेको तयारी भैसकेकोले कुल कामको ८० प्रतिशत पुरा भएको निर्माण कम्पनी कर्ण बिल्डर्सले जनाएको छ ।
२०७५ असारमा टेण्डर प्रक्रिया थालिएको यो सडकको १० किलोमिटर खण्डको काम २०७६ भदौ १० गतेबाट सुरु भएको थियोे । सडक स्तरोन्नतिसहित कालोपत्रेको जिम्मेबारी पाएको कर्ण बिल्डर्स प्रालिले कामलाई अन्तिम चरणमा पु-याएको हो ।
