एमसीसी अनुमोदनको इप्पानद्वारा स्वागत, उर्जा क्षेत्रको विकासमा ऐतिहासिक योगदान पुग्ने विश्वास

स्वतन्त्र उर्जा उत्पादकहरुको संस्था, नेपाल (इप्पान) ले अमेरिकी सहयोग परियोजना मिलिनियम च्यालेन्ज कर्पोरेशन (एमसीसी) संसदबाट अनुमोदन भएकोमा त्यसको स्वागत गरेको छ । विभिन्न आरोह–अवरोह पार गर्दै १२ बँुदे ब्याख्यात्मक घोषणासहित सार्बभौम संसदबाट अनुमोदन भएकोमा इप्पानले स्वागत गरेको हो  । संसदबाट अनुमोदन भएको यो परियोजना तत्काल कार्यान्वयनमा लैजान इप्पानले नेपाल सरकारसँग आग्रह गरेको छ । इप्पानले भनेको छ 'यो उर्जा क्षेत्रको बहुप्रतिक्षित परियोजना हो । संसदबाट यो परियोजनाको अनुमोदनले मुलुकको आर्थिक समृद्धिको मेरुदण्डका रुपमा रहेको उर्जा क्षेत्रमा थप लगानीको वाताबरण सिर्जना भएको हुदा आगामी दिनमा उर्जा क्षेत्रको विकासमा ऐतिहासिक योगदान पुग्ने हाम्रो विश्वास छ । मुलुकको समग्र उर्जा क्षेत्रको विकास र विस्तारमा मूल समस्याको रुपमा रहेको प्रसारण लाइनको अभाव एमसीसी परियोजना कार्यान्वयन भएसँगै न्यूनीकरण हुने छ भन्ने इप्पानको ठहर छ । साथै यस परियोजनाले पूर्बाधार निर्माणमा महत्वपूर्ण सहयोग पु¥याएर मुलुकको आर्थिक समृद्धि र रोजगारी सिर्जनामा ठूलो योगदान पुग्ने छ । 'यो अनुदान परियोजनाले नेपाल र अमेरिकाबिचको आर्थिक कुटनीतिक सम्बन्ध नयाँ शिराबाट विकसित भई आगामी दिनहरुमा यस्ता सहायता परिचालन थप प्रगाढ बन्ने इप्पानले विश्वास गरेको छ ।