काठमाडौं । वामपन्थी बुद्धिजिवी प्राध्यापक माणिकलाल श्रेष्ठको निधन भएको छ । ९७ वर्षीय श्रेष्ठको मंगलबार बिहान घरमै निधन भएको हो ।
निमोनिया तथा अन्य विभिन्न संक्रमणले ग्रसित भएपछि श्रेष्ठलाई लामो समयसम्म अस्पतालमा भर्ना गरी उपचार गरिएको थियो । केही सुधार भएपछि उहाँलाई घरमै राखी उपचार गरिँदै आइएको थियो । त्यसबाहेक, उहाँलाई नियमितरुपमा डायलाइसिससमेत गरिँदै आइएको थियो ।
लामो समय प्राध्यापन पेसामा रहेका श्रेष्ठ संवैधानिक कानुनमा स्नातक गर्ने नेपालको पहिलो व्यक्ति हुनुहुन्छ भने नेपाल मार्क्सवादीका प्रथम प्रवक्तासमेत हुनुहुन्थ्यो ।
