काठमाडौं । सिटिजन लाइफ इन्स्योरेन्स कम्पनीले नेपाल ग्रामीण विकास समाज केन्द्र विराटनगरलाई आर्थिक सहयोग गरेको छ । संस्थाले व्यवस्थापन गरेको ज्येष्ठ नागरिक दिवा सेवा (ब्रह्मज्ञानी विश्रामालय) र फिजियोथेरापी सेवा कार्यका लागि बैंकले १ लाख रुपैयाँ आर्थिक सहयोग गरेको हो । संस्थाले विभिन्न ठाउँमा ज्येष्ठ नागरिक दिवा सेवा केन्द्र व्यवस्थापन तथा सञ्चालन गर्दै आएको छ । कम्पनीले आफ्नो संस्थागत सामाजिक उत्तरदायित्व निर्वाह गर्ने क्रममा हरेक वर्ष स्थानीय स्तरमा रक्तदान, नि:शुल्क स्वास्थ्य शिविर, गरीब, असहाय तथा वृद्धवृद्धालाई नि:शुल्क भोजन तथा कपडा, सार्वजनिक स्थानमा सरसफाइ लगायत कार्यक्रम गर्दै आएको छ ।
