संखुवासभा - संखुवासभाको खाँदबारी नगरपालिका–७ सिम्लेमा पहिरोले एउटा घर पुरिएको छ । गएराति घरमाथिबाट खसेको पहिरोले ३४ वर्षका सुरेश गुरुङको घर पुरेको वडा नम्बर ७ का अध्यक्ष मौसम आलेमगरले बताउनुभयो । घर पहिरोले पुरिएपछि सुरेशको परिवार विस्थापित भएको छ ।
लगातारको पानीले संखुवासभाको कोशी राजमार्गको माम्लिङ्ग—पिलुवा खोला सडक र मकालु गाउँपालिकाको नुम—फ्याक्सिन्दामा पहिरो जाँदा सडक बन्द भएकाे छ ।
