फागुन १२, काठमाडौं। बिहीवार सुनको मूल्य करीब एक लाख रुपैयाँ पुगेको छ । बुधवारको तुलनामा एकै दिन २ हजार ५०० रुपैयाँले बढेपछि विहीवार प्रति तोला ९९ हजार पुगेको छ ।
यो मूल्य डेढ वर्ष अघिको सर्वाधिक उचाईंबाट करीब ४ हजार रुपैयाँ मात्रै कम हो । २०७७ साउनमा नेपालमा सुनको मूल्य प्रति तोला एक लाख रुपैयाँ नाघेको थियो । बिहीवार चाँदीको मूल्य पनि प्रति तोला ३५ रुपैयाँ बढेर १ हजार ३५५ रुपैयाँ पुगेको छ ।
रुस र युक्रेन बीचको तनावका कारण अन्तर्राष्ट्रिय बजारमै सुनको मूल्य करिब २ हजार डलर नजिक पुगेको छ । रुस युक्रेन तनावका कारण अन्तर्राष्ट्रिय बजारमा कच्चा तेलको भाउ पनि ७ वर्षपछि ऐतिहासिक उचाईमा पुगेको छ ।
बिहीवार प्रतिव्यालेर १०० डलरभन्दा बढी पुगेको अन्तर्राष्ट्रिय सञ्चार माध्यामले बताएका छन् ।
.png)
