जेठ ५, चितवन । चितवनको भरतपुर महानगरपालिकाको प्रमुख पदमा गठबन्धनका उम्मेदवार रेनु दाहालले ३ हजारभन्दा बढी मतले अग्रता लिएकी छन् ।
भरतपुरमा हालसम्म ३९ हजार ९६१ मत गणना भइसकेको छ । उक्त मत गणना हुँदा उनले १५ हजार ५१३ मत प्राप्त गरेकी छन् । उनलाई पछ्याइरहेका नेकपा (एमाले) का उम्मेदवार विजय सुवेदीले १२ हजार ३८७ मत पाएका छन् । स्वतन्त्र उम्मेदवार जगन्नाथ पौडेलले भने ६ हजार २६८ मत प्राप्त गरेका छन् ।
उता उपप्रमुख पदमा नेपाली कांग्रेसका चित्रसेन अधिकारीको अग्रता कायमै छ । उनले १७ हजार ५३५ मत पाएका छन् । उपमेयरको अर्का प्रत्यासी राप्रपाकी हिमला गुरुङले ९ हजार ७३२ मत पाएकी छन् ।
हालसम्म आठ ओटा मत गणना सकिंदा दाहालले मेयर पदमा मतान्तर बढाउँदै लगे पनि उनको पार्टी माओवादी केन्द्रले वडा सदस्य भने जित्न सकेको छैन।
नेपाली कांग्रेसले ६, नेकपा (एमाले) ले एक र नेकपा(एकीकृत समाजवादी) ले एक वडाध्यक्ष जितेका छन्।
