साना किसान विकास लघुवित्तको नाफा १६ प्रतिशत बढ्यो, प्रतिशेयर आम्दानी कति ?

काठमाडौं ।  साना किसान विकास लघुवित्त वित्तीय संस्था लिमिटेडले गत आर्थिक वर्ष (आव)को चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा १६ दशमलव ७५ प्रतिशत वृद्धि भएको छ । अघिल्लो आवमा कम्पनीले रू. ६९ करोड ७३ लाख नाफा कमाएकोमा गत आवमा बढेर रू. ८१ करोड ४१ लाख पुगेको हो । गत आवमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढ्न टेवा पुगेको हो । अघिल्लो आवको तुलनामा गत आवमा कम्पनीको खुद ब्याज आम्दानी २३ दशलमव ९७ प्रतिशत र सञ्चालन नाफा १६ दशमलव ६४ प्रतिशत वृद्धि भएको छ । त्यस्तै गत आवमा कम्पनीको वितरणयोग्य नाफा रू. १ अर्ब ७३ करोडभन्दा बढी छ । अघिल्लो आवमा भने कम्पनीको वितरणयोग्य नाफा रू. ८२ करोड ९१ लाख थियो ।  आरएमडिसी लघुवित्त र साना किसान लघुवित्त वित्तीय संस्था गाभिएपछि चुक्ता पूँजी रू. ३ अर्ब ३३ करोडभन्दा बढी पुगेको छ । गत आवमा कम्पनीले जगेडामा रू. ३ अर्ब ५१ करोड, रिटेन्ड अर्निङमा रू. १ अर्ब ७३ करोड र शेयर प्रिमियममा रू. १ करोड ८२ लाख सञ्चिति गरेको छ । सो अवधिमा कम्पनीको प्रतिशेयर आम्दानी रू. ४० दशमलव ६९, मूल्य आम्दानी अनुपात २२ दशमलव ०९ गुणा, तरलता अनुपात ९ दशमलव ०२ प्रतिशत र प्रतिशेयर नेटवर्थ रू. २५९ दशमलव ३९ छ ।  रिपोर्ट हेर्न यहाँ क्लिक गर्नुहोस्