काठमाडौं। सर्वोच्च अदालतले जातीय विभेद गरी कोठा नदिएको घरबेटीलाई छुटाउन सहयोग गरेकोमा पूर्व मन्त्री कृष्णगोपाल श्रेष्ठविरुद्ध अनुसन्धान अघि बढाउन अन्तरिम आदेश दिएको छ। बिहीबार न्यायाधीश प्रकाशमान सिंह राउत र नकुल सुवेदीको इजलासले सञ्चारकर्मी रुपा सुनारले दिएको जाहेरी दरखास्त दर्ता गरी निष्पक्ष र प्रभावकारी अनुसन्धान गर्न जिल्ला सरकारी वकिल कार्यालय काठमाडौं र प्रहरी वृत्त सिंहदरबारलाई आदेश दिएको हो।
