हेटौंडा उपमहानगरपालिकामा राप्रपाका उम्मेदवार दीपक सिंह पछि परेका छन् । उनले जारी मतगणनामा प्रभावशाली उपस्थिति देखाएकामा पछिल्लो मतपरिणाममा भने पछि परेका हुन् । बिहीबार दिउँसोसम्म हेटौंडाको ५५,३८७ मत गणना सकिँदा दिपक बहादुर सिंहले १५,५१४ मत पाएका छन् । यस्तै गठबन्धनबाट नेकपा एसकी मेयर उम्मेदवार मिना लामाले १७,३४३ मत पाउँदै अग्रता बनाएकी हुन् । यस्तै एमालेको उम्मेदवार अनन्त पौडेलले १६,१६३ मत पाएका छन् । एमाले तोस्रोबाट दोस्रो स्थानमा उक्लिएको छ ।
