काठमाडौँ – स्वास्थ्य तथा जनसंख्यामन्त्री भवानीप्रसाद खापुङ स्वास्थ्यमा समस्या देखिएपछि अस्पताल भर्ना भएका छन्। शुक्रबार दिउँसो चक्कर लाग्ने र वाकवाक आउने समस्या देखिएपछि स्वास्थ्यमन्त्री खापुङलाई वीर अस्पतालमा भर्ना गरिएको हो। खापुङको सचिवालयका अनुसार अहिले उनको स्वास्थ्य अवस्था सामान्य रहेको छ । ‘मेनियर्स डिजिज’को शंका लागेकाले एमआरआई गरिरहेको विर अस्पतालले जनाएको छ ।
