कञ्चनपुर : भीमदत्त नगरपालिका–५ महाकाली सिचाईको उत्तरतर्फको नहरमा शुक्रबार अन्दाजी ४० वर्षीय पुरुषको शव फेला परेको छ।जिल्ला प्रहरी कार्यालय कञ्चनपुरका प्रहरी नायव उपरीक्षक अमर बहादुर थापा क्षेत्रीका अनुसार नहरको किनारामा पानीमा शव फेल परेको हो।‘पानीले भिजेर चाउरी परेको लेउ लागेको अवस्थमा शव फेला परेको छ’ उनले भने,‘शवको सनाखत हुन सकेको छैन।’ प्रहरीले घट्नास्थलमा लाश जाँच मुचुल्का गरी शव परीक्षणका लागि महाकाली अस्पताल राखिएको छ।
