चैत ६, काठमाडौं । छ ओटा अलग - अलग कम्पनीको कुल १० लाख ८८ हजार ७०३ कित्ता शेयर लिलामीमा रहेको छ ।
छिमेक लघुवित्त वित्तीय संस्था, आरएमडिसी लघुवित्त वित्तीय संस्था, लुम्बिनी जनरल इन्स्योरेन्स कम्पनी, महुली लघुवित्त वित्तीय संस्था, छ्याङदी हाइड्रोपावर र नारायणी डेभलपमेन्ट बैंकको शेयर लिलामीमा विक्री खुला भएको हो ।
ती कम्पनीमध्ये छ्याङदी हाइड्रोपावरको सर्वसाधारण शेयर लिलामीमा ल्याएको हो भने नारायणी डेभलपमेन्ट बैंकले सर्वसाधारण तथा संस्थापक दुबै शेयर लिलामीमार्फत विक्रीका लागि ल्याएको हो ।
बाँकी चार ओटा कम्पनीले संस्थापक शेयर लिलामीमा ल्याएका हुन् । छ्याङदी हाइड्रोपावर कम्पनीले हकप्रद शेयरमा नबिकेको ५९ लाख ८२७ कित्ता शेयर चैत १ गतेदेखि लिलामीमा ल्याएको हो । यस लिलामी शेयरमा आवेदकले चैत ९ गतेसम्म आवेदनदिन सक्नेछन् ।
शेयरको न्यूनतम मूल्य प्रतिकित्ता रू. १०० तोकिएको हुँदा आवेदकले सो वा सोभन्दा बढी मूल्य अंकित गरी बोलकबोल गर्न सक्नेछन् । उक्त शेयरमा आवेदकले न्यूनतम १०० कित्ताकालागि आवेदन दिन पाउनेछन् भने अधिकतम शेयर संख्याको लागि कुनै हद नलाग्ने कम्पनीले जानकारी दिएको छ ।
त्यसैगरी बैंक अफ काठमाण्डूले आफ्नो स्वामित्वमा रहेको छिमेक लघुवित्त र आरएमडीसी लघुवित्तको संस्थापक शेयर लिलामीमा ल्याएको छ । कम्पनीले छिमेक लघुवित्तको ६ लाख ६ हजार १४० कित्ता शेयर फागुन ५ गतेदेखि लिलामीमा विक्री खुला गरेको हो । यस शेयरमा आवेदकले चैत ९ गतेसम्म आवेदन सक्नेछन् । शेयरमूल्य प्रतिकित्ता रू. ६०० तोकिएको हुँदा सो वा सोभन्दा बढी मूल्यमा बोलकबोल गरी विद्यमान संस्थापकहरुले आवेदन दिन सक्नेछन् ।
यस शेयर खरीदकालागि बोलकबोल गर्दा आवेदकले न्यूनतम २ हजार कित्ताकालागि आवेदन दिन सक्नेछन् भने अधिकतम शेयर संख्याको लागि सम्पूर्ण शेयर संख्याको लागि आवेदन दिन सक्ने कम्पनीले जानकारी दिएको छ । त्यसैगरी कम्पनीले आरएमडिसी लघुवित्तको १ लाख ४९ हजार ८ सय कित्ता संस्थापक शेयर फागुन ५ गतेदेखि लिलामीमा ल्याएको छ ।
यस शेयरको मूल्य न्यूनतम रू.५४० तोकिएको सो वा सोभन्दा बढी मूल्यअंकित गरी संस्थापक शेयरधनीहरुले चैत ९ गते सम्म आवेदनदिन सक्नेछन् । शेयर खरीदकालागि आवेदन गर्दा आवेदकले न्यूनतम २ हजार कित्ताकालागि आवेदन दिन सक्नेछन् भने अधिकतम सम्पूर्ण कित्ताकालागि आवेदन दिन पाउने कम्पनीले जानकारी दिएको छ ।
त्यसैगरी कुमारी बैंकले आफ्नो स्वामित्वमा रहेको लुम्बिनी जनरल इन्स्योरेन्सको १ लाख २२ हजार २८७कित्ता शेयर फागुन ३० गतेदेखि लिलामीमा ल्याएको छ । यस शेयरको मूल्यप्रतिकित्ता रू. २५० तोकिएको हुँदा सो वा सोभन्दा बढी मूल्य अंकित गरी चैत १४ गतेसम्म संस्थापक शेयरधनीले आवेदन दिन सक्नेछन् ।
उक्त शेयरमा बोलपत्र पेश गर्दा न्यूनतम १० हजार कित्ताकालािग आवेदन दिनुपर्नेछ भने अधिकतम सम्पूर्ण कित्ताकालागि आवेदन दिन पाउने कम्पनीले जानकारी दिएको छ ।
त्यसैगरी महुली लघुवित्तले ५ हजार कित्ता संस्थापक शेयर फागुन २३ गतेदेखि लिलामीमा ल्याएको छ । शेयरको न्यूनतम मूल्य प्रतिकित्ता रू.६५० ताकिएको हुँदा सो वा सोभन्दा बढी मूल्य अंकित गरी विद्यमान संस्थापक शेयरधनीलगायत अन्य इच्छुक व्यक्ति, फर्म,कम्पनी तथा संगठित संस्थाहरुले चैत ७ गतेसम्म आवेदन दिन सक्नेछन् ।
बोलपत्र पेश गर्दा आवेदकले न्यूनतम ५०० कित्ताको लागि आवेदन दिन सक्नेछन् भने अधिकतम शेयर संख्याको लागि कुनै हद नलाग्ने कम्पनीले जानकारी दिएको छ ।
स्रोत : कम्पनीले प्रकाशित गरेको सूचनामा आधारित
