काठमाडौं : ठमेलको एक दोहोरी साँझमा महिलामाथि दुर्व्यवहार गरेको आरोपमा एकजना पक्राउ परेका छन्।पक्राउ पर्नेमा कालीकोट घर भई हाल काठमाडौं बस्ने वकिल बम रहेका छन्। बिहीबार राति बमले एक महिलालाई लछारपछार गरेका थिए। उनलाई शुक्रबार बिहान नियन्त्रणमा लिइएको महानगरीय प्रहरी परिसरका प्रवक्ता दिनेशराज मैनालीले जानकारी दिए।बम एमालेको भ्रातृ संगठन युवा संघका सदस्य रहेको बताइएको छ। उनलाई हाल महानगरीय प्रहरी वृत्त सोह्रखुट्टेले नियन्त्रणमा लिएर अनुसन्धान चलिरहेको प्रहरीले जनाएको छ।
