प्रणय दिवस नजिकिँदै गर्दा प्रेमिल शैलीका गीत सार्वजनिक हुने क्रम बढ्न थालेका छन् । यसै क्रममा गायक प्रदीप धमलाले पनि नयाँ गीत ‘सुनन’ भिडियो सहित सार्वजनिक गरेका छन् । युवाको प्रेम र आकर्षण देखाउन खोजिएको भिडियोमा सविता कुटु र गायक धमलाको अभिनय देख्न सकिन्छ । गीतमा गायक धमलाकै शब्द र संगीत छ ।शिवम् रसाइलीको संगीत संयोजन रहेको गीतको भिडियोमा अनिल कटुवालको छायाँकन तथा सम्पादन छ । भिडियोमा ‘द डान्स सोर्स’ समूहको समेत प्रस्तुति देख्न सकिन्छ ।
