वैशाख २९, काठमाडौं । स्वास्थ्य तथा जनसंख्या मन्त्रालयले कोभिड—१९ भइ अस्पताल भर्ना भएका बिरामीलाई रेम्डेसिभिर औषधिको आवश्यकता परेमा आधिकारिक आयातकर्ता आयन हेल्थकेयर सम्पर्क गर्न अनुरोध गरेको छ ।
मन्त्रालयका सहप्रवक्ता समिरकुमार अधिकारीद्वारा बुधवार जारी गरिएको सूचनामा कोभिड—१९ को उपचारका लागि हालसम्म कुनैपनि औषधि प्रमाणित नभएको समेत उल्लेख गरिएको छ ।
औषधि आयातकर्ताबाट रेम्डेसिभिर प्राप्त गर्नका लागि कोभिड अस्पताल वा ती अस्पतालमा उपचाररत संक्रमितका लागि सम्बन्धित चिकित्सकको प्रिस्क्रिप्सनसहित औषधि लिन जाने व्यक्तिको परिचय पत्रको प्रमाणसहित सम्पर्क गर्न भनिएको छ । प्रतिभाइल ४ हजार ९०० रुपैयाँका दरले उक्त औषधि खरीद गर्न सकिने पनि सूचनामा उल्लेख छ ।
