ललितपुर – ललितपुरको पुल्चोकमा भएको रक्तदान कार्यक्रममा ६१ जनाले रक्तदान गरेका छन् । लायन्स क्लब अफ काठमाण्डौ पेभिलियन र ललितपुर मोबाइल व्यवसायी संस्थाको संयुक्त आयोजनामा मच्छिन्द्रनाथ पोखरी नजिकैको आँगनमा भएको कार्यक्रममा ६१ जनाले रक्तदान गरेका हुन् ।
कोरोनाको महामारीका कारण धेरै अस्पतालमा रगत अभाव भएकाे गुनासो आएपछि अभाव हटाउन रक्तदान कार्यक्रम गरिएको ललितपुर मोबाइल व्यवसायी संस्थाका अध्यक्ष सन्तोष घिमिरेले जानकारी दिनुभयो ।
ललितपुर मोबाइल व्यवसायी संस्थामा एक सय ४० भन्दा धेरै व्यवसायी आबद्ध रहेका छन् ।
