निवर्तमान नगर प्रमुख मानबहादुर जीसीले प्रक्रिया मिचेर सरकारी जग्गा भाडामा लगाएको सम्बन्धमा छानविनको माग गर्दै पोखरा उपत्यका नगर विकास समिति पठाइएको फाइल अख्तियार दुरुपयोग अनुसन्धान आयोगमै थन्किएको छ । समिति मातहतको ६३ रोपनी जग्गा किर्ते गरी १० देखि २५ वर्षलाई कौडीको भाउमा निजी कम्पनीलाई सुम्पिएको विषय अख्तियारको केन्द्रीय कार्यालयमा दुई महिनादेखि विचाराधीन छ ।