नेपाल समाचारपत्र

कार्तिक २०७९

क्यानाडा कतार विश्वकपबाट बाहिरियो

काठमाडौं । क्रोएसियासँग ४–१ ले पराजित भएसँगै उत्तर अमेरिकी टोली क्यानाडा समूह चरणको एक खेल अगावै कतार विश्वकप २०२२ बाट बाहिरिएको छ । आइतबार राति क्रोएसियाको जितमा आन्द्रेज क्रामारिचले दुई गोल गरे । यसैगरी इभान पेरिसिच र जोसिप जुरानोभिचले एक एक गोल गरेका थिए । अल खालिफा रंगशालामा अल्फोन्सो डेभिसले क्यानाडाको लागि अग्रता दिलाएका थिए […]

पूर्ण विवरण

सम्बन्धित सामग्री

रोजगारीसम्बन्धी कानून र युवा पलायन

आर्थिक, शैक्षिक, सामाजिक समस्या समाधानका लागि युवा पुस्ता अहिले विदेश पलायन हुने क्रम तीव्र छ । प्रत्येक घरबाट एकजना छोराछोरी शिक्षाको सपना बोकेर होस् या रोजगारीको लागि होस्, नेपाली भूमि छाडेर विदेश जाने गरेको वास्तविकता हामीबाट लुकेको छैन । युवा पुस्ताले विदेशमै बसोवास गर्ने योजना पनि बनाएका हुन्छन् । यस्तो अवस्थाले गाउँ नै रित्तिने अवस्था आउनेछ । वैदेशिक रोजगार विभागका अनुसार आर्थिक वर्ष २०७९/८० मा ७ लाख ७५ हजार युवा विदेश गएको देखिन्छ । त्यस्तै आर्थिक सर्वेक्षण २०७९/८० अनुसार २०७९ साल फागुनसम्म ५५ लाख २६ हजार ७ सय जना व्यक्तिले वैदेशिक रोजगारीमा जान औपचारिक श्रमस्वीकृति लिएको देखिएको छ । आव २०७८/७९ मा वैदेशिक अध्ययनमा जान चाहने १ लाख १४ हजार १ सय ३४ जना विद्यार्थीलाई अनुमतिपत्र प्रदान गरिएको कुरा शिक्षा मन्त्रालयको वार्षिक प्रगति प्रतिवेदनबाट देखिन्छ । भारतबाहेक तेस्रो मुलुकमा अध्ययन तथा रोजगारीका लागि औपचारिक तथा अनौपचारिक रूपमा पुग्ने नेपालीहरूको संख्या ५० लाख हाराहारी पुगेको अनुमान गरिएको छ । राष्ट्रिय जनगणना २०७८ ले घर परिवारबाट अलग भई विदेशमा बसोवास गर्दै आएका नेपालीहरूको संख्या २२ लाख रहेको देखाएको छ । वर्षेनि यो तथ्यांक बढ्नेबाहेक घट्ने अवस्था छैन । अध्ययनका लागि बेलायत, अस्ट्रेलिया, अमेरिका, क्यानाडा, कोरिया, भारत, चीनजस्ता देश विद्यार्थीहरूको रोजाइमा पर्ने गरेका छन् । रोजगारीका लागि भने मलेशिया, कतार, दुबईजस्ता खाडी मुलुक पुग्ने गरेका छन् । व्यावसायिक दक्षता, शीप, ज्ञान भएका व्यक्तिहरू आकर्षक तलबका लागि श्रम गर्न विदेश जान थालेका छन् । सन् १८१६ को सुगौली सन्धिपछि नेपाली युवाशक्ति गोर्खाली सेनाको रूपमा भर्ना भई विदेश पुग्ने गरेको इतिहास छ । देशमा आर्थिक उदारीकरणको शुरुआतपछि युवा पुस्ता रोजगारको लागि विदेश पुग्न थालेका हुन् । दिनहुँजसो विमानस्थलमा देखिने भीडले विदेशप्रति नेपालीहरूको मोह देख्न सकिन्छ । के युवा शक्तिलाई यो देशले चिन्न नसकेको हो ? मानिसको स्वभाव नयाँ अवसर खोज्दै हिँड्ने भएकाले अध्ययन र रोजगारीको बहानामा भविष्य खोज्दै विदेश हिँड्नुलाई स्वाभाविकै मान्नुपर्ने तर्क अर्थशास्त्रीहरूको रहेको छ । आर्थिक समानता, समृद्धि र सामाजिक न्यायको सुनिश्चितता गर्ने संकल्पका साथ २०७२ सालमा नेपालको संविधान जारी भयो । संविधानको धारा ३३ ले प्रत्येक नागरिकलाई रोजगारीको हक प्रदान गरेको छ । यो मौलिक हकलाई व्यवहारमा कार्यान्वयन गर्न रोजगारीको शर्त, अवस्था र बेरोजगार सहायताका लागि संघीय कानून बनाउनुपर्ने कुरामा संविधानले जोड दिएको छ । यसैअनुसार प्रत्येक नागरिककलाई रोजगारीको सुनिश्चितता र क्षमताअनुसार रोजगारी छनोटको अवसर प्रदान गर्न रोजगारीको हकसम्बन्धी ऐन, २०७५ जारी भएको छ । यस ऐनले नागरिकलाई आफूले चाहेको रोजगारी छनोट गर्न पाउने, स्वेच्छाले रोजगार छोड्न वा परिवर्तन गर्न पाउने, व्यक्तिको उत्पत्ति, धर्म, वर्ण, जातजाति, लिंग, भाषा, क्षेत्र, वैचारिक आस्था वा कुनै आधारमा रोजगारीमा भेदभाव गर्न नपाइने, विना कारण रोजगारबाट हटाउन नपाइनेजस्ता अधिकार सुनिश्चित गरेको छ । बेरोजगार व्यक्तिलाई रोजगार दिनुपर्ने गरी कानून बनिसकेको छ । बेरोजगारको सहायताका लागि रोजगारमूलक तथा शीपमूलक तालीम प्रदान गर्ने, सूचना उपलब्ध गराउने, बैंक तथा वित्तीय संस्थामार्फत स्वरोजगारका लागि सहुलियतपूर्ण ऋण उपलब्ध गराउने, स्वरोजगार सृजना गर्ने विषयमा नेपाल सरकार, प्रदेश सरकार र स्थानीय सरकारको तीनै तहले आवश्यक कार्यक्रम सञ्चालन गर्नुपर्छ । तर, कानूनमा उल्लेख गरेजस्तै देशमा रोजगारीको अवस्था सृजना गर्न र बेरोजगारलाई रोजगारी प्रदान गर्न सकेको छैन । स्वदेशमा रोजगारीको अवसर नपाएर नै लाखौं नेपालीहरू विदेश पुगी श्रम गर्न बाध्य हुनु परिरहेको छ । वैदेशिक रोजगारीबाट आर्जन भएको पूँजीलाई स्वदेशमा उत्पादनमूलक काममा लगाउन प्रोत्साहन गर्ने राज्यको नीतिलाई हेर्दा देशले वैदेशिक रोजगारीलाई मान्यता दिएको प्रस्टिन्छ । अहिले विदेशबाट नेपालीले कमाई पठाएको विदेशी मुद्रा नै देशको अर्थतन्त्र र घरपरिवारको अर्थोपार्जनको बलियो आधार बनेको छ । देशको विदेशी मुद्रा आर्जन गर्ने भरपर्दो आधार विप्रेषण भएको छ । यस अवस्थामा नेपालीहरूलाई विदेशमा श्रम गर्न पठाउनबाट रोक्न सकिने अवस्था छैन । अहिले युवा पुस्ताका लागि विदेशी भूमि टेक्नु रहर र बाध्यता दुवै हुने गरेको छ । विदेश जानेहरूमा चिकित्सक, नर्स, चार्टर्ड एकाउन्टेन्ट, प्राध्यापक, वकिलजस्ता बौद्धिक जनशक्तिसमेत देखिएको छ । नेपालमा रोजगारीको कमी, योग्यताको कदर नहुने, काम पाए पनि तलब कम हुनेजस्ता कारणले बौद्धिक जनशक्तिसमेत विदेशिने गरेको छ । आर्थिक रूपले भविष्य सबल होस् भन्ने चाहना बोकेर नेपालीहरू वैदेशिक रोजगारीमा जान थालेको अहिलेको अवस्थाले देखाएको छ । यो स्थितिमा देशमा योग्यता र क्षमताको आधारमा काम पाउने वातावरण बनाउनुपर्छ । देशमा शिक्षा, स्वास्थ्यलाई समयानुकूल बनाई जीवनयापनको आवश्यक पूर्वाधार, सामाजिक सुरक्षा, न्याय, कानूनको शासनमार्फत समुन्नत समाजको निर्माण गर्न सकेको खण्डमा विदेशप्रतिको मोह घट्दै जानेछ । नेपालीहरू विदेशिने कार्यलाई रोक्न विधि निर्माताहरूले सोच्नुपर्ने अवस्था आइसकेको छ । लेखक अधिवक्ता हुन् ।

Aarthik Abhiyan भाद्र २०८०

मङ्सिर ४: नेपालमा निर्वाचन सकिए लगतै कतारमा विश्वकप फुटबलको उद्घाटन

मङ्सिर ४ गते नेपालमा प्रतिनिधिसभा र प्रदेशसभा निर्वाचन हुँदै छ। निर्वाचनमा मतदान गर्ने समय साँझ ५ बजेसमयसम्म तोकिएको छ ।मतदान कार्य सकिएको केहि समय भित्र विश्व फुटबलको महाउत्सव अर्थात् फुटबल विश्वकप सुरु हुने छ । कतारमा हुने विश्वकपको उद्घाटन खेल मङ्सिर ४ गते नै नै हुने छ । उद्घाटन खेल अगाडी नेपाल समय अनुसार साँझ ७:३० बजे विश्वकपको औपचारिक उद्घाटन समारोह हुने छ । त्यसपछि राति ९:४५ बजे आयोजक कतार र इक्वेडरबीच विश्वकपको उद्घाटन खेल सुरु हुने छ ।पहिलो दिन एक मात्र खेल हुने छ । त्यस पछि अन्य दिनमा भने १ भन्दा बढी खेल हुने छन् । पहिलो पटक मध्यपूर्व देशमा विश्वकप हुन लागेको हो । कतारमा अध्याधिक गर्मी हुने भएकोले पहिलो पटक जाडोयाममा विश्वकप हुन लागेको हो । आयोजकको हिसाबले कतारले पहिलो पटक विश्वकप खेल्दै छ । विश्वकप आयोजना गर्ने देशले छनौट चरणका खेलहरु नखेली स्वत विश्वकप खेल्ने शौभाग्य पाउने गरेको छ ।प्रतियोगितामा ३२ टिम समावेश छन् । ३२ टिमलाई ८ वटा समुहमा विभाजन गरिएको छ । हरेक समुहमा रहेका हरेक देशले आफ्नो समुहमा रहेका देशसँग १ खेल खेलेपछि समुहको शिर्ष स्थानमा रहने २ टोली अर्को चरण अर्थात् नक आउट चरणमा प्रवेश गर्ने छन् । यस्तो छ समुह: समुह ए : कतार, इक्वेडर, सेनेगल, नेदरल्याण्ड समुह बि: इंङल्याण्ड, इरान, अमेरिका, वेल्स, समुह सी: अर्जेन्टिना, साउदी अरेबिया, मेक्सिको, पोल्याण्ड समुह डि : फ्रान्स, अष्ट्रेलिया, डेनमार्क, ट्युनिसियासमुह ई: स्पेन, कोस्टारिका, जर्मनी, जापान, समुह एफ : बेल्जियम, क्यानाडा, मोरोक्को, क्रोएसियासमुह जी: ब्राजिल, सर्बिया, स्विजरल्याण्ड, केमरुनसमुह एच : पोर्चुगल , घाना, उरुग्वे, साउथ कोरिया ४ पटक विश्वकप जितेको इटालीले छनौट चरण पार गर्न नसकेपछि यो विश्व खेल्ने छैन । त्यस्तै छनौट चरण पार गर्न सक्ने अनुमान गरिएका कोलम्बिया, स्विडेन, चिली, नाईजेरिया, इजिप्ट , अल्जेरिया पनि छनौट हुन सकेनन् । रुसले युक्रेनमा आक्र्मान गरेपछि फिफाले रुसलाई प्रतिबन्ध लगाएका कारण रुस पनि प्रतियोगितामा छैन । युक्रेन भने छनौट चरण पार गर्न सकेन ।प्रतियोगितामा मङ्सिर ४ देखि मङ्सिर १६ सम्म समुह चरणका खेलहरु हुने छन् । मङ्सिर १७ देखि मङ्सिर २० सम्म प्रि क्वाटरफाइनलका खेलहरु हुने छन् । त्यस्तै मङ्सिर २३ र मङ्सिर २४ मा क्वाटरफाइनलका खेल हुनेछन् । मङ्सिर २७ र २८ मा सेमिफाइनलको खेल हुने छन् भने पुस ३ गते फाइनल खेल हुने छ ।

Bizpati आश्विन २०७९

कतार विश्वकप खेल्ने ३२ मध्ये २९ देशको टुंगो लाग्यो: अमेरिकाको पुनरागमन, मेक्सिको पनि छनौट

Bizpati फाल्गुन २०७८

कतार विश्वकप खेल्ने ३२ मध्ये २७ देशको टुंगो लाग्यो: पोर्चुगल छनौट हुन सफल, इजिप्ट बाहिरियो

Bizpati फाल्गुन २०७८

कतारमा विश्वकपमा सहभागी हुने ३२ मध्ये २० देशको टुंगो लाग्यो, क्यानाडा ३६ वर्षपछि छनौट

Bizpati फाल्गुन २०७८

गैरआवासीय नेपालीले लगाउन सुरु गरे कोरोनाविरुद्धको खोप

काठमाडौं । गैरआवासीय नेपालीले कोरोनाविरुद्ध निर्माण गरिएको खोप लगाउन थालेका छन् । पहिलो चरणमा अग्रपङ्क्तिमा काम गर्ने नेपालीले खोप लगाउन थालेका गैरआवासीय नेपाली सङ्घ (एनआरएनए)ले जनाएको छ ।बेलायत, कतार, क्यानाडा, साउदी अरब, बहराइनमा रहेका गैरआवासीय नेपालीले कोरोनाविरुद्धको खोप लगाउन थालेका सङ्घले जनाएको छ । विश्वका विभ...

Ratopati मंसिर २०७७

गैरआवासीय नेपालीले कोरोनाविरुद्ध लगाए खोप - Purbeli News

काठमाडौँ / गैरआवासीय नेपालीले कोरोनाविरुद्ध निर्माण गरिएको खोप लगाउन थालेका छन् । पहिलो चरणमा अग्रपङ्क्तिमा काम गर्ने नेपालीले खोप लगाउन थालेका गैरआवासीय नेपाली सङ्घ (एनआरएनए)ले जनाएको छ । बेलायत, कतार, क्यानाडा, साउदी अरब, बहराइनमा रहेका गैरआवासीय नेपालीले कोरोनाविरुद्धको खोप लगाउन थालेका सङ्घले जनाएको छ । विश्वका विभिन्न मुलुकले कोरोनाविरुद्ध अग्रपङ्क्तिमा खटिने स्वास्थ्यकर्मी, सुरक्षाकर्मी लगायतलाई आपत्कालीन...

Purbeli News मंसिर २०७७