नेपाली सेनामा नेतृत्व हस्तान्तरण, कामुलाई बरबुझारथ गरेर बिदा भए प्रधानसेनापति थापा

प्रधानसेनापति पूर्णचन्द्र थापाले बलाधिकृत रथी प्रभुराम शर्मालाई नेतृत्व हस्तान्तरण गरेका छन् ।  जंगीअड्डामा आज थापाले शर्मालाई औपचारिक बरबुझारथ गरेका हुन् ।  भदौ २४ गतेबाट प्रधानसेनापति थापाले अनिवार्य अवकाश पाउँदै छन् । अवकाश पाउनुभन्दा एक महिनाअघि आजबाट थापा घर बिदामा बस्दै छन् ।  राष्ट्रपति विद्यादेवी भण्डारीले साउन २६ गतेदेखि लागू हुने गरी शर्मालाई कायममुकायम प्रधानसेनापति तोकेकी थिइन् ।