काठमाडौं । नेपाल जर्मन चेम्बर अफ कमर्स एण्ड इन्डस्ट्रिजको २९औं वार्षिक साधारणसभा सम्पन्न भएको छ । ‘इनोभेटिङ फर ग्रोथ ः हार्नेसिङ द पावर अफ अलायन्सेस’ नाराका साथ गत शुक्रवार सम्पन्न सभाले सन्तोष सी कुँवरको अध्यक्षतामा १४ सदस्सीय कार्यकारी समिति चयन गरेको छ । समितिका सदस्यहरूमा उत्तम भट्टराई, नरेशलाल श्रेष्ठ, समिकविक्रम शाह, भक्तबहादुर हमाल, एलेक्सलाल मोक्तान, शुभाशीष थपलिया, तैजश सुन्दरलाल कक्षपति, राजुबाबु श्रेष्ठ, विप्लवमान सिंह, गोपालदास मानन्धर र झनकदत्त खनाल छन् । साथै अध्यक्ष तथा कार्यसमितिले चेम्बरको कार्यकारिणी सदस्यमा अवधेशकुमार दास र राजीव मंगल जोशीलाई मनोनयन गरेको थियो । संघमा पर्यटन, उत्पादन, व्यापार, गलैंचा, गार्मेन्ट, हस्तकला, कृषि लगायतका २०० कम्पनी छन् । संघले नेपाल–जर्मनीबीच व्यापार व्यवसायमा सम्पर्क बिन्दुको रूपमा भूमिका निर्वाह गर्दै आएको बताइएको छ ।
