राजविराज। बालिका अपहरणको आरोपमा सप्तरी प्रहरीले राजविराज–२ का नविन देवलाई पक्राउ गरेको छ। सोही स्थानका सनोज देवकी १४ वर्षीया छोरीलाई मोटरसाईकलको पछाडि बसाएर लैजादै गरेको अवस्थामा देवलाई मोटरसाइकल र बालिकासहित प्रहरीले पक्राउ गरेको जिल्ला प्रहरी प्रमुख एसपी राजेन्द्र धमलाले जनाए। छोरीलाई घरबाटै ललाईफकाई लगेको थाहा पाएलगत्तै परिवारले प्रहरीलाई खबर गरेका थिए।
