नेपाल विद्युत प्राधिकरणका प्रमुख कार्यकारी निर्देशक कुलमान घिसिङले उद्योगी व्यवसायीहरुले भने जस्तो १४ घण्टा उद्योगहरुमा लोेडसेडिङ नभएको बताएका छन् । उर्जा मन्त्रालयले आज आयोजना गरेको पत्रकार सम्मेलनमा उनले तत्कालिन समयमा भारतबाट विद्युत खरिद गर्न समस्या आएकाले कही कतै विद्युत कटौती भएकोबाहेक कुनै उद्योगमा लोडसेडिङ नगरिएको दाबी गरेका हुन् । निर्देशक घिसिङले प्राधिकरणले कुनै पनि उद्योगहरुमा लोडसेडिङ नगरेको बरु केही समस्या भए दुई दिनमा नै समाधान गरेको बताए । कुनै उद्योगहरुमा ट्रान्समिसन लाइनको कारण विद्युत कटौती भएर बेलुका एक÷दुई घण्टा विद्युत कटौती भएको हुन सक्छ तर प्राधिकरणले समयमा नै जानकारी दिने गरेको बताए ।उनले भने,‘अहिले हिउँद महिनामा विद्युत आयात गर्नु पर्ने भए पनि असारबाट बिक्रि गनुपर्छ । २१ सय मेगावटको उत्पादन क्षमता रहेको छ । २०० सय मेगावट असारसम्म थपिने निश्चित छ । उत्पादन क्षमता २३ सय मेगावट हुन्छ । हाम्रो देशैभर माग १९ सय देखि २ हजार मेगावट पुग्यो भने पनि ४ सय मेगावट बेच्नु पर्ने हुन्छ । रातीको समयमा बढी पनि बेच्नु पर्ने हुन्छ । फरक मार्केटमा प्रवेश गर्नुपर्छ । अहिले भारतले जुन अनुमति दिएको छ राम्रो भएको छ । अहिले तत्काल औधोगिक क्षेत्रका उद्योगीहरुले प्राधिकरणले लोडसेडिङ ग¥यो भन्ने विषयहरु पनि आयो । यो तत्कालिन अवस्थाको समस्या थियो । लामो समयको समस्या जस्तो गरेर जुन हिसाबले बाहिर आयो । त्यो थिएन। कहिले काँही कतै कटौती भयो । तर हामीले लोडसेडिङ गरेको छैन । कुनै पनि उद्योगलाई लोडसेडिङ गरेको छैन । बेलुकाको समयमा कुनै उद्योगमा एक दुई घण्टा ट्रान्समिसन लाइनको कारणले लोड कम गर्ने कुरा प्राधिकरणले समयमा नै भन्ने गरहेको हुन्छ ।त्यो बाहेक कहि पनि लोडसेडिङ भएको छैन ।’निर्देशक घिसिङले यो रुस र युक्रेनबीचको युद्धको कारण विद्युत आपूर्तिमा देखिएको समस्याको प्रभाव मात्रै हो भन्ने कुरा उद्योगी व्यवसायीहरुले बुझ्नु पर्ने बताए। उनले तीन महिना भारतबाट केही विद्युत आयात गर्ने तर असारबाट भारतलाई ४ सय मेगावट विद्युत निर्यात गर्ने अवस्था रहेको बताए । असारसम्म नेपालको विद्युत उत्पादन २३ सय मेगावट पुग्ने निश्चित रहेको दाबी गरे।