काठमाडौं । खुकुरी रमले सांगीतिक समूहसँगको सहकार्यमा स्थापितसँगै उदाउँदा कलाकारलाई प्रदर्शनको मौका दिने गरी देशका विभिन्न स्थानमा विशेष सांगीतिक अभियान चलाउने भएको छ । पछिल्लो समय युवा पुस्तामाझ चर्चित आर्बिटरी ग्रुपसँगको सहकार्यमा खुकुरी रमले देशका विभिन्न स्थानमा नयाँ कलाकारको प्रोत्साहनका लागि प्ल्याटफर्म उपलब्ध गराउने उद्देश्यले सांगीतिक अभियान सञ्चालन गर्न लागेको हो ।
खुकुरी रमले देशका विभिन्न जिल्लाका रेस्टुराँ, क्लब, खुला क्षेत्र, आउटडोर्स, इन्डोर्सलगायत ठाउँ छनोट गरी सांगीतिक कार्यक्रम सञ्चालन गर्न लागेको उत्पादक नेपाल डिस्टिलरीका महाप्रबन्धक सुभास लामिछानेले बताए ।
संगीतका नयाँ कलाकारलाई देशभरका श्रोतामाझ परिचय गराउने र तिनलाई उत्साहित गरी नेपाली गीत–संगीतको प्रवद्र्धन गर्ने उद्देश्यले बृहत् कार्यक्रम गर्न लागिएको उनको भनाइ छ ।
देशका विभिन्न ठाउँमा आर्बिटरीसँग आबद्ध कलाकारले आफ्नो प्रस्तुति दिनेछन् । आर्बिटरीले संगीतसम्बन्धी देशैभर आयोजना हुने अभियान शुक्रबारबाट सुरु गरेको छ ।
युवामाझ परिचित र चर्चित आर्बिटरी ग्रुपसँग गीतस–ंगीतको प्रवद्र्धन एवं कलाकारको उत्थानका लागि सहकार्य गर्न पाउँदा खुसी लागेको लामिछानेले बताए । संगीत र कलाकारलाई सहयोग गर्न आर्बिटरी ग्रुपले खुकुरी रमसँग सहकार्य गरेको कम्पनीका संस्थापक विपिन नकर्मीले जानकारी दिए ।
गीत–संगीतका विविध विधासँग सम्बन्धित कलाकारसँग अनुबन्ध गरी ३ महिने अभियान सञ्चालन गरिनेछ । खुकुरी रमले यसअघिका वर्षमा पनि फरक अवधारणासहित ‘खुकुरी म्युजिक नेशन’ आयोजना गरेको थियो । हाल नेपालबाहेक १३ मुलुकका बजारमा समेत उपलब्ध हुँदै आएको खुकुरी रमको प्याकेजिङ केही समयअघिदेखि स्थानीय र अन्तराष्ट्रिय बजारमा एकैसाथ परिवर्तन गरिएको छ ।
