राष्ट्रिय ध्वजावाहक नेपाल वायुसेवा निगमले लकडाउनयता ५२ करोड रुपैयाँ आम्दानी गरेको छ । चैत ११ देखि सरकारले लकडाउन गरेयता नियमित उडान बन्द भए पनि निगमले चार्टर र कार्गाे उडानमार्फत ५२ करोड रुपैयाँ आम्दानी गरेको हो । निगमका एक अधिकारीले दिएको जानकारीअनुसार पछिल्लो उडान समेतको आम्दानी गरेर सोमबारसम्म ५२ करोड रुपैयाँ आर्जन गरेको छ । यसमा स्वास्थ्य उपकरण खरीद प्रकरणमा मुछिएको विवादास्पद ओम्नी समूहले चीनका लागि चार्टर गरेको भाडावापत करिब १ करोड ८५ लाख रुपैयाँ भने असुल हुन बाँकी रहेको छ ।
