केही वर्ष अघिसम्म चरम लोडसेडिङको अभाव झेलिरहेको नेपाल यतिबेला भने चाँडै नै बढी हुने विद्युत् कहाँ बिक्री गर्ने भन्ने चिन्तामा छ । नेपालभित्रै ठूला उद्योग र विकास आयोजनाको काम नभएको र प्रतिव्यक्ति ऊर्जा खपत नै जम्मा २०० युनिट हाराहारीमा रहेको अवस्थामा पछिल्लो दशकमा सुरु भएका आयोजना सम्पन्न हुने चरणमा पुगेसँगै विद्युत् व्यापारको चिन्ता उत्पन्न भएको देखिन्छ । छिमेकी भारतले बिजुली खरिद गर्ने कुनै ग्यारेन्टी नभएको र यसका लागि प्रशारणलाइनजस्ता पूर्वाधारकै अभावसमेत रहेको अवस्थामा उत्पादित विद्युत् खेर जाने चिन्ता स्वाभाविक पनि छ ।
नेपालको प्रतिव्यक्ति विद्युत् खपतको अवस्था यस क्षेत्रकै कम हो ।
