काठमाडौं (अस) । एनएमबि बैंकले बिराटनगर महानगर–४ स्थित हाम्रो अस्पतालमा उपचारका लागि आउने व्यक्ति तथा कर्मचारीलाई सहज बनाउन द्विपक्षीय समझदारी गरेको छ ।
समझदारीअनुसार अस्पतालबाट उपलब्ध गराइने विभिन्न किसिमका चिकित्सकीय सेवामा विशेष छुट तथा सहुलियत दिइनेछ । अस्पतालले बैंकका एटीएम तथा अन्य भिसा कार्डवाहक तथा कर्मचारीलाई अन्तरंग, फार्मेसीबाट औषधी खरिद, ल्याब परीक्षण र शल्यक्रियामा छुट उपलब्ध गराउनेछ । सम्झौतामा बैंकका प्रदेश १ प्रमुख उत्सव घिमिरे र अस्पतालका निर्देशक सुनिलचन्द्र अधिकारीले हस्ताक्षर गरे । ग्राहकलाई सहुलियत दिन विभिन्न समय यस्ता सुविधा उपलब्ध गराइँदै आएको बैंकले बताएको छ । बैंकले हाल २०१ शाखा, १३९ एटीएम, ९ एक्सटेन्सन काउन्टरमार्फत बैंकिङ सेवा दिँदै आएको छ ।
