कात्तिक १७, काठमाडौं । सिटिजन्स बैंक इन्टरनेसनल लिमिटेडको १५औं वार्षिक साधारण सभा मंगलवार सम्पन्न भएको छ । सभा केन्द्रिय कार्यालय नारायणहिटी पथ, दरवारमार्ग, काठमाडौंमा सम्पन्न भएको हो । कोभिड–१९ का कारण पर्न सक्ने सम्भावित असरलाई मध्यनजर गर्दै सम्पूर्ण सुरक्षात्मक उपायहरू अवलम्बन गरी विधुतीय माध्यम र भौतिक रुपमा एकसाथ वार्षिक साधारण सभा सञ्चालन भएको हो ।
सभाले आर्थिक वर्ष २०७७/७८ को सञ्चालक समितिको वार्षिक प्रतिवेदन छलफल आर्थिक वर्ष २०७७/७८ को नाफा नोक्सानीको हिसाव तथा नगद प्रवाह विवरण लगायतका एकीकृत वित्तीय विवरणहरु छलफल गरी स्वीकृत गरेको छ ।
त्यसैगरी, सभाले गत आर्थिक वर्ष २०७७/७८ को मुनाफाबाट १६ प्रतिशत लाभांश १२ दशमलव ९१३ प्रतिशत बोनस शेय र ३ दशमलव ०८७ प्रतिशत नगद लाभांश (कर समेत) वितरण गर्ने प्रस्ताव पारित गरेको छ । बोनस शेयर वितरण पछि बैंककोे चुँक्तापूँजी रू. १४ अर्ब २० करोड पुगेको छ ।
साथै उक्त सभाले सर्वसाधारणको तर्फबाट प्रकाश चन्द्र मैनाली र विजय ध्वज कार्कीलाई सञ्चालक समितिमा निर्विरोध निर्वाचित गरेको छ ।
बैंकले आर्थिक वर्ष २०७८/७९ को पहिलो त्रैमाससम्म करीब रू. १ खर्ब ४६ अर्ब निक्षेप संकलन गरेको छ भने रू. १ खर्ब ३३ अर्ब ऋण प्रवाह गरेको छ । यस बैंकले सोहि अवधिभित्र रू. ६९ करोड खुद मुनाफा आर्जन गरेको छ ।
.jpg)
