डडेल्धुरा : डडेल्धुराको आलिताल गाउँपालिकाको भवनमा आगलागी भएको छ। पालिकाको प्रशासनिक भवनमा आगलागी भएको हो।आलिताल प्रहरी चौकीका इन्चार्ज भीमराज भट्टले पालिकाको प्रशासन कक्षको बाहिर राखिएको सोफा, भवनको सिलिङ, कोठाभित्रका केही कागजात जलेको जानकारी दिए।बाहिर राखिएको सूचनापाटी समेत जलेको छ। भट्टले घटनाबारे थप अनुसन्धान भइरहेको बताए। पालिका परिसरमा क्यान्टिन सञ्चालन गर्दै आएका दानबहादुर मडैले शुक्रबार बिहान करिब ४ बजेतिर आगो लागेको जानकारी दिए।
