ताप्लेजुङ – ताप्लेजुङ र चीनबीचको सीमा नाका लामो समयदेखि बन्द हुँदा ओलाङचुङगोला भन्सार कार्यालय ठप्प भएको छ । तिप्ताला भञ्ज्याङ नाका चीनले बन्द गर्दा ओलाङचुङगोला भन्सार कार्यालयले गएको चार वर्षदेखि राजस्व सङ्कलन गर्न सकेको छैन । कोरोनाको जोखिम बढेसँगै चीनतर्फको उत्तरी नाका बन्द भएपछि राजस्व सङ्कलन हुन नसेको हो ।
जिल्ला सदरमुकामबाट तीन दिनको पैदलयात्रापछि पुगिने फक्ताङलुङ गाउँपालिकाको ओलाङचुङगोलामा भन्सार कार्यालय रहेको छ । यस नाकाबाट कोरोनाभन्दा अगाडि पनि धेरै राजस्व सङ्कलन भने हुने गरेको थिएन । आयात निर्यातको...
