असारमा शिवम् सिमेन्टको सर्वाधिक रकमको कारोबार

काठमाडौं । असारमा शिवम् सिमेन्टको सर्वाधिक रकमको कारोबार भएको छ । नेपाल स्टक एक्सचेञ्ज (नेप्से)ले दिएको जानकारी अनुसार असारमा शिवम् सिमेन्टको ४ अर्ब ७९ करोड ७७ लाख रुपैयाँ बराबरको शेयर कारोबार भएको हो । असारमा ८० अर्ब ४२ करोड ९० लाख रुपैयाँभन्दा बढीको धितोपत्र कारोबार भएको नेप्सेले जानकारी दिएको छ । यस आधारमा असारको कुल कारोबारमा शिवम् सिमेन्टको हिस्सा करीब ६ प्रतिशत छ । असारमा सर्वाधिक रकमको कारोबार हुने कम्पनीहरूमा शिवम् सिमेन्टसँगै दोस्रोमा सोल्टी होटल, हिमालयन लाइफ इन्स्योरेन्स, हिमालयन डिष्टिलरी, आइजीआई प्रुडेन्सियल इन्स्योरेन्स, नागरिक लगानीकोष, नेपाल लाइफ इन्स्योरेन्स, नेपाल दुरसञ्चार कम्पनी, सूर्यज्योति लाइफ इन्स्योरेन्स र एशियन लाइफ इन्स्योरेन्स छन् । सोल्टी होटलको असारमा मात्र ३ अर्ब ६६ करोड ४८ लाख रुपैयाँभन्दा बढीको शेयर कारोबार भएको छ । त्यस्तै हिमालयन लाइफ इन्स्योरेन्सको २ अर्ब ८९ करोड रुपैयाँभन्दा बढी, हिमालयन डिष्टिलरीको २ अर्ब २४ करोड रुपैयाँभन्दा बढी, आइजीआई प्रुडेन्सियल इन्स्योरेन्सको २ अर्ब १६ करोड रुपैयाँभन्दा बढी, नागरिक लगानीकोषको १ अर्ब ८२ करोड रुपैयाँभन्दा बढी, नेपाल लाइफ इन्स्योरेन्सको १ अर्ब ६१ करोड रुपैयाँभन्दा बढी, नेपाल दुरसञ्चार कम्पनीको १ अर्ब ५४ करोड रुपैयाँभन्दा बढी, सूर्यज्योति लाइफ इन्स्योरेन्सको १ अर्ब ५२ करोड रुपैयाँभन्दा बढी र एशियन लाइफ इन्स्योरेन्सको १ अर्ब ४२ करोड रुपैयाँभन्दा बढीको शेयर कारोबार भएको नेप्सेले जानकारी दिएको छ । सर्वाधिक रकमको कारोबार भएको शिवम् सिमेन्टको शेयर मूल्य जेठ मसान्तसम्मको तुलनामा प्रतिकित्ता ११२ रुपैयाँ ९० पैसाले बढेको छ । जेठ मसान्तसम्म ५३८ रुपैयाँ ६० पैसा रहेको शिवम् सिमेन्टको शेयर मूल्य असार मसान्तसम्म भने ६५१ रुपैयाँ ५० पैसा कायम भएको थियो । पछिल्लो कारोबार दिन भने शिवम् सिमेन्टको शेयर मूल्य प्रतिकित्ता ६४५ रुपैयाँ १० पैसा कायम छ । कुन कम्पनीको कारोबार कति ?

पूर्ण विवरण

सम्बन्धित सामग्री

मङ्सिरको कुल कारोबारमा सोनापुर मिनरल्सको सर्वाधिक हिस्सा, यी हुन् कारोबार बढी गर्ने १० कम्पनी

Aarthik Abhiyan मंसिर २०८०

कात्तिकमा सोनापुर मिनरल्सको सर्वाधिक रकमको कारोबार

काठमाडौं । कात्तिक महिनामा सोनापुर मिनरल्स एण्ड आयल लिमिटेडको सर्वाधिक रकमको शेयर कारोबार भएको छ । नेपाल स्टक एक्सचेञ्ज (नेप्से) ले सोमवार सार्वजनिक गरेको मासिक तथ्याङ्कको आधारमा यस कम्पनीको सर्वाधिक रकमको शेयर कारोबार भएको देखिएको हो । नेप्सेका अनुसार कात्तिकमा सोनापुर मिनरल्सको ४७ करोड ९६ लाख रुपैयाँभन्दा बढीको १९ लाख ३३ हजारभन्दा बढी कित्ता शेयर कारोबार भएको हो । प्रिमियम मूल्यसहित सर्वसाधारणमा आईपीओ जारी गरी कात्तिक २ गते कम्पनीले धितोपत्र दोस्रो बजारमा ३ करोड ७ लाख ५० हजार ५०० कित्ता शेयर सूचीकृत गरेको थियो । दशैंको बिदाका कारण सूचीकृत भएको ९ दिनपछि अर्थात् कात्तिक १२ गतेदेखि कम्पनीको शेयर कारोबार शुरु भएको थियो । धितोपत्र दोस्रो बजारमा कम्पनीको शेयर कारोबार प्रतिकित्ता ३५० मा खुला भएको थियो । कम्पनीले उद्योग प्रभावित स्थानीयमा प्रतिकित्ता एक सय रुपैयाँ अंकित मूल्यमा प्रिमियमबापत १२५ रुपैयाँ थप गरी प्रतिकित्ता २२५ रुपैयाँ र सर्वसाधारणमा प्रतिकित्ता १०० रुपैयाँमा प्रिमियमबापत १३७ रुपैयाँ ५८ पैसा थप गरी प्रतिकित्ता २३७ रुपैयाँ ५८ पैसामा आईपीओ विक्री गरेको थियो । कारोबारका शुरुआती दिनमा कम्पनीको शेयर मूल्यमा निरन्तर नकारात्मक सर्किट लागेर आईपीओ खरीदकर्ताहरू नै घाटामा पुगेका थिए । पछिल्लो समय भने कम्पनीको शेयर मूल्य ३०० रूपैयाँ ३० पैसा रहेको छ । मूल्य बढेको अवस्थामा पछिल्ला कारोबार दिन पनि कम्पनीको शेयर कारोबार सर्वाधिक स्थानमै भइरहेको छ । सोमवार पनि १ अर्ब १९ करोड ७२ लाख रुपैयाँभन्दा बढीको कारोबार भएको बजारमा सोनापुर मिनरल्सको सर्वाधिक ७ करोड ४६ लाख रुपैयाँभन्दा बढीको शेयर कारोबार भएको हो । कात्तिकमा सर्वाधिक रकमको शेयर कारोबार हुने १० कम्पनीभित्र सोनापुर मिनरल्ससँगै सोल्टी होटल, हाथवे इन्भेष्टमेण्ट, सानिमा जिआईसी इन्स्योरेन्स, नबिल बैंक, सिटिजन लाइफ इन्स्योरेन्स, शिवम् सिमेन्ट, एनआईसी एशिया बैंक, हिमालयन बैंक र रिलायबल नेपाल लाइफ इन्स्योरेन्स छ । हिमालयन बैंकको भने संस्थापक तर्फको १७ करोड ९८ लाख रुपैयाँभन्दा बढीको शेयर कारोबार भएको हो । सर्वाधिक दोस्रोमा भने यो महिना सोल्टी होटलको शेयर कारोबार भएको छ । सोल्टी होटलको २७ करोड १७ लाख रुपैयाँभन्दा बढीको शेयर कारोबार भएको हो । त्यस्तै हाथवे इन्भेष्टमेण्टको २६ करोड ९८ लाख रुपैयाँभन्दा बढी, सानिमा जिआईसी इन्स्योरेन्सको २६ करोड ६० लाख रुपैयाँभन्दा बढी, नबिल बैैंकको २४ करोड १९ लाख रुपैयाँभन्दा बढी, सिटिजन लाइफ इन्स्योरेन्सको २० करोड रुपैयाँभन्दा बढी, शिवम् सिमेन्टको १९ करोड ६० लाख रुपैयाँभन्दा बढी, एनआईसी एशिया बैंकको १८ करोड ३४ लाख रुपैयाँभन्दा बढी र रिलायबल नेपाल लाइफको १७ करोड ६० लाख रुपैयाँभन्दा बढीको शेयर कारोबार भएको नेप्सेको तथ्याङ्कले पुष्टि गरेको छ । कात्तिक महीनामा दशै र तिहारको बिदा परेकाले जम्मा १२ कारोबार दिन मात्र धितोपत्र दोस्रो बजार खुला भएको थियो । १२ कारोबार दिनमा कात्तिक महीनामा धितोपत्र दोस्रो बजारमा १० अर्ब २१ करोड ७३ लाख रुपैयाँभन्दा बढीको ३ करोड ९८ लाख ८२ हजारभन्दा बढी धितोपत्र कारोबार भएको जानकारी नेप्सेले दिएको छ । कात्तिकमा सर्वाधिक रकमको कारोबार भएका १० कम्पनी स्रोतः नेपाल स्टक एक्सचेञ्ज (नेप्से)

Aarthik Abhiyan कार्तिक २०८०

नेप्सेमा सामान्य गिरावट: शिवम् सिमेन्ट र एनआईसी एसिया बैंकको कारोबार उच्च

बिहिबार शेयर बजार परिसूचक नेप्से सामान्य घटेको छ । आज नेप्से सूचक ५.८७ अंकले घटेर २०४४.७२ को बिन्दुमा पुगेर रोकिएको छ । आज कारोबारमा आएका २२५ कम्पनीका ३९ लाख ८ हजार ३ सय ९५ कित्ता शेयर खरिद बिक्रिबाट १ अर्ब ६४ करोड २६ लाख ४८ हजार ५ सय ८६ रुपैयाँ ५० पैसा बराबरको शेयर कारोबार भएको छ । जस मध्ये शिवम् सिमेन्टको सबैभन्दा धेरै १७ करोड ८० लाखको कारोबार भएको छ भने एनआईसी एसिया बैंकको ११ करोड २२ लाख कारोबार भएको छ । त्यस्तै नेपाल पुनर्बीमा कम्पनीको ६ करोड २८ लाखको कारोबार भएको छ भने हिमालयन डिस्टिलरीको ६ करोड २ लाखको कारोबार भएको छ ।आज कारोबारमा आएका मध्ये सेन्ट्रल फाइनान्सको शेयर मूल्य सबैभन्दा धेरै ३.१६ प्रतिसतले बढेको छ भने जनउत्थान सामुदायिक लघुवित्तको शेयर मूल्य २.७४ प्रतिशतले बढेको छ ।आज आईसीएफसी फाइनान्सको ऋणपत्रको शेयर मूल्य सर्वाधिक ६.७१ प्रतिशतले घटेको छ भने किसान लघुवित्तको शेयर मूल्य ५.३५ प्रतिशतले तथा साधना लघुवित्तको शेयर मूल्य ४.४५ प्रतिशतले घटेको छ ।आज कारोबारमा आएका मध्ये अन्य र बैंकिंग बाहेकका सबै समुहगत सूचक घटेका छन् । ट्रेडिङ समुहको सूचक सर्बाधिक १.५८ प्रतिशतले घटेको छ भने लाइफ इन्स्योरेन्स समुहको सूचक १.५२ प्रतिशतले घटेको छ । त्यस्तै लगानी समुहको सूचक १.०७ प्रतिशतले घटेको छ ।आज कारोबारमा आएका मध्ये १२६ कम्पनीको शेयर मूल्य घटेको छ भने ४७ कम्पनीको शेयर मूल्य बढेको छ ।

Bizpati आषाढ २०७९

शिवम् सिमेन्ट नेपालकै सर्वाधिक बिक्री हुने ओपीसी सिमेन्ट बन्यो

काठमाडौं । शिवम् सिमेन्ट्स लिमिटेडले ११ करोड बोरा सिमेन्ट बिक्री गर्दै नेपाल भरी सर्वाधिक बिक्री हुने ओ.पि.सि सिमेन्ट बन्न सफल भएको छ । शिवम् सिमेन्टले स्थापनाकालदेखि हाल ०७९ असार मसान्तसम्मको छोटो अवधिमा नै नेपालकै सर्वाधिक ओ.पि.सि. सिमेन्ट बिक्री गर्ने उद्योग बन्न सफल भएको हो । नेपालकै एक मात्र असली ओ.पि.सि. सिमेन्टको...

बाह्रखरी आषाढ २०७९

शिवम् सिमेन्टको सहायक कम्पनी शिवम् होल्डिङ्गसले पनि आईपिओ ल्याउने

शिवम् सिमेन्ट्स लिमिटेडको सहायक कम्पनी शिवम् होल्डिङ्गस प्रा.लि.ले कम्पनी ऐन को दफा ६३ बमोजिम कारोवार स्वीकृति गरी पब्लिक लिमिटेड कम्पनीमा परिणत भएको छ ।नेपालमा स्थापित सिमेन्ट उद्योगहरु मध्ये नेपाल स्टक एक्सचेन्ज लिमिटेडमा सूचिकृत एक मात्र पव्लिक लिमिटेड कम्पनी शिवम् सिमेन्ट्स लिमिटेडको सहायक कम्पनी शिवम् होल्डिङ्गस प्रा. लि. लाई पब्लिक लिमिटेडमा पारित गरी शिवम् होल्डिङ्गस लिमिटेड कायम भई लगानी गर्ने उद्येश्य रहेको पव्लिक लिमिटेड कम्पनीको हैसियतले कारोवार संचालन गर्न कम्पनी ऐन को दफा ६३ बमोजिम कारोवार स्वीकृति समेत प्राप्त गरिसकेको छ ।शिवम होल्डिङ्गस लिमिटेडको अधिकृत पूँजी ५ अर्व ८० करोड र चुक्ता पूँजी ४ अर्व रहेको छ भने शिवम् होल्डिङ्गसले नेपाल कै सबै भन्दा ठूलो क्षमतामा स्थापित अत्याधुनिक प्रविधियुक्त क्लिङकर र सिमेन्ट उत्पादन गर्ने चिनीया विदेशी लगानी समेत रहेको होङशी शिवम् सिमेन्ट प्रा.लि. को सस्थापक रहि उक्त उद्योगमा ३० प्रतिशत शेयर लगानी गरेको छ । शिवम् होल्डिङ्गसको ३० प्रतिशत र चिनीया हङकङ रेड लाइन सिमेन्ट नं. ३ कम्पनीको ७० प्रतिशत शेयर लगानी रहेको होङशी शिवम् सिमेन्टले पहिलो चरणमा ६००० मे. टन. क्लिङकर र सिमेन्ट विगत ३ बर्ष देखि उत्पादन तथा विक्री वितरण गरी रहेको छ । दोस्रो चरणमा हालको क्षमता अभिवृद्धि गरी थप ६००० मे. टन. उत्पादन गर्ने र दैनिक २०,००० मे.टन. चुनढुङ्गा खानी स्थलबाट उद्योग स्थलसम्म पु¥याउन आधुनिक कन्भेयर वेल्ट निर्माणको क्रममा ५ कि.मि. लामो सुरुङगमार्ग निर्माणाधिन अवस्थामा रहेको छ । उक्त कम्पनीले गत आ.व. २०७७।०७८ को मुनाफाबाट शेयरधनीहरुलाई १० प्रतिशत वोनस शेयर समेत वितरण गरिसकेको छ ।साथै शिवम् होल्डिङ्गस लिमिटेड कम्पनीले आफ्नो चुक्ता पूँजीको अधिकाँश रकम होङशी शिवम् सिमेन्ट प्रा.लि. को उद्योगमा संस्थापक शेयरवालाको हैसियतले शेयर लगानी गरिसकेको र मूनाफा भई प्रतिफल समेत प्राप्त गर्न शुरु भई सकेको यस कम्पनीले संस्थापक समूह तर्फ ८० प्रतिशत रहेको छ भने निकट भविष्यमा धितोपत्र वोर्ड समेतको स्वीकृतिमा निकट भविष्यमा सर्वसाधारणका लागि समेत सार्वजनिक निस्कासन गरी पूँजी संकलन गरि थप अन्य क्षेत्रमा समेत लगानी गर्ने योजना रहेको छ । शिवम होल्डिङ्गस लिमिटेडमा मुख्य लगानीकर्ता, संस्थापक शिवम् सिमेन्ट्स लिमिटेडको करिव ८५ प्रतिशत अर्थात रु. ३ अर्व ४० करोड १० लाख ४२ हजार रुपैयाको शेयर लगानी रहेको छ भने अन्य १९ जना विभिन्न क्षेत्रका उद्योग व्यापार र पेशा व्यवसायको आ–आफ्नो क्षेत्रमा सफलता पूर्वक क्रियासिल रहेका व्यक्तिगत संस्थापकहरुको करिव १५ प्रतिशत अर्थात रु. ५९ करोड ८९ लाख ५८ हजार रुपैयाँ बराबरको शेयर रकम लगानी गरेका छन ।यस शिवम् होल्डिङ्गस लिमिटेडले प्रत्यक्ष रुपमा शेयर लगानी रहेको होङशी शिवम् सिमेन्ट प्रा.लि. मुलुककै हालसम्मको ठूलो उत्पादन क्षमता जडित वेष्ट हिटबाट करिव १२ मेघा वाट विद्युत उत्पादन गरी आफै सिमेन्ट उत्पादनमा उक्त विद्युत उपयोग गर्ने पहिलो उद्योग हो भने दोस्रो लाईनबाट उत्पादन शुरु भएपछि प्रति दिन १२००० मे. टन. क्लिङकर तथा सिमेन्ट उत्पादन हुने छ । हाल नेपाल विद्युत प्राधिकरणबाट होङशी शिवम सिमेन्ट उद्योगलाई २५ मेघावाट विद्युत जडान भई प्रयोग गरिरहेको छ । उक्त उद्योगको कारण हाल नेपालमा सिमेन्ट र क्लिङकर उत्पादनमा आत्मानिर्भर भई देश विकासमा समेत ठूलो योगदान पुगेको अवस्था छ । त्यसै गरी शिवम् सिमेन्ट्स लिमिटेड, शिवम् होल्डिङ्गस कम्पनीको संस्थापक तथा नेपाल गुणस्तर तथा नापतौल विभागबाट NS - Quality Award प्रथम पुरस्कार प्राप्त गर्ने नेपाल कै एक अग्रणी उच्च गुणस्तरको शिवम् ब्राण्डको असली ओ.पि.सि. सिमेन्ट उत्पादन गरी विक्री वितरण गर्ने सिमेन्टका रुपमा आम उपभोक्ता वर्गले सर्वाधिक रुपमा खोजी गर्ने र रोजाईको सिमेन्ट रहेको छ ।

Bizpati जेष्ठ २०७९