सर्लाहीको मलंगवा नगरपालिका–११ स्थित चौरबाट सोमवार राति प्रहरीले करीब १३५ किलो अवैध लागूऔषध गाँजा बरामद गरेको छ ।
अस्थायी प्रहरी पोस्ट पेट्रोल पम्पबाट गस्तीमा खटिएको प्रहरीलाई देख्नासाथ ठूलो पल्छीबाट सानो पल्छीतर्फ गइरहेका ९ जना व्यक्ति पोका फाली फरार भएपछि पोका जाँच गर्दा गाँजा फेला पारी बरामद गरिएको हो ।
फरार व्यक्तिको खोजी गर्नुका साथै थप अनुसन्धान गरिरहेको प्रहरीले जनाएको छ ।
