किसान लघुवित्तले एफपीओ निष्कासन गर्न धितोपत्र बोर्डमा दियो निवेदन, मूल्य कति ?

साउन ८, काठमाडौं । किसान लघुवित्त वित्तीय संस्थाले एफपीओ निष्कासन गर्नका लागि नियामक निकाय नेपाल धितोपत्र बोर्डमा निवेदन दिएको छ । कम्पनीले १२ लाख ९८ हजार २५९ कित्ता एफपीओ निष्कासन गर्नका लागि असार २९ गते बोर्डमा निवेदन दिएको हो । कम्पनीले प्रतिकित्ता रू. १२५ मा रू. १६ करोड २२ लाख ८२ हजार ४३६ दशमलव २५ बराबरको एफपीओ निष्कासन गर्न बोर्डमा निवेदन दिएको हो । विक्री प्रबन्धक मुक्तिनाथ क्यापिटल लिमिटेड रहेको छ । कम्पनीको चुक्तापूँजी रू. ३९ करोड २८ लाख ८ हजार रहेको छ । एफपीओ निष्कासन गरेपछि उक्त पूँजी रू. ५२ करोड २६ लाख पुग्नेछ । कम्पनीले सूचीकृत नभएका कम्पनीले गाभे पश्चात शेयर संरचना मिलाउनका लागि एफपीओ निष्कासन गर्न लागेको हो । एनआरएन लघुवित्त वित्तीय संस्थाले दिब्य लघुवित्त वित्तीय संस्था र किसान माइक्रोफाइनान्स लघुवित्त वित्तीय संस्थालाई गाभेपश्चात एनआरएन लघुवित्त वित्तीय संस्थाको नामबाट एकीकृत कारोबार शुरु भएको हो । कम्पनीले निष्कासन गर्ने एफपीओलाई केयर रेटिङ नेपालले बीबी माइनस रेटिङ प्रदान गरेको छ । यस्तो रेटिङले कम्पनीले समयमै वित्तीय दायित्व पूरा गर्ने सम्बन्धमा औषतमा मध्यम जोखिम रहेको संकेत गर्दछ ।

पूर्ण विवरण

सम्बन्धित सामग्री

उन्नति सहकार्य लघुवित्तको एफपीओ आजदेखि, आईपीओकै मूल्यमा खरीद गर्न सकिने [भिडियो रिपोर्ट]

Aarthik Abhiyan आश्विन २०८०

मिर्मिरे लघुवित्तको एफपीओ बिहीवार बाँडफाँट हुने, कति जनाले पाउँछन शेयर ?

काठमाडौं । मिर्मिरे लघुवित्त वित्तीय संस्था लिमिटेको एफपीओ आगामी बिहीबार अर्थात् कात्तिक १६ गते बाँडफाँट हुने भएको छ । बिक्री प्रबन्धक एसबीआई मर्चेन्ट बैंकिङका अनुसार बिहीबार बिहान ८ ः ३० बजे एफपीओ बाँडफाँट गर्ने भएको हो । अन्तिम दिनसम्ममा कम्पनीको एफपीओमा १४ लाख २१ हजार ७७७ जनाले १ करोड ६१ लाख ७४ हजार ५८० कित्ताका लागि आवेदन दिएका थिए । जसअनुसार एफफपीओमा अन्तिम दिनसम्ममा १३०.६३ गुणा आवेदन परेको छ । जसमा १२ हजार ३८१ जनाले मात्र शेयर पाउने छन् । बाँकी १४ लाख ९ हजार ३९६ जनाको भने हात खाली हुनेछ । कम्पनीले गत असोज २५ गतेदेखि ३० गतेसम्म प्रतिकित्ता १०० रुपैयाँमा १ लाख २३ हजार ८१६ दशमलव ४५ कित्ता एफपीओ निष्कासन गरेको थियो । नेपाल धितोपत्र बोर्डले असोज ४ गते कम्पनीलाई एफपीओ निष्कासन गर्न अनुमति प्रदान गरेको थियो । कम्पनीले संस्थापक र सर्वसाधारणको शेयर अनुपात मिलाउन एफपीओ निष्कासन गरेको हो ।

Aarthik Abhiyan आश्विन २०८०

के हो एफपीओ ? मिर्मिरे लघुवित्तले किन एफपीओ जारी गरेको हो

काठमाडौं । धितोपत्र बजारमा आज अर्थात असोज २५ गते देखि एक कम्पनीको एफपीओ विक्री खुलो भएको छ । धैरे जसो पुरानो लगानीकर्ताहरुलाई एफपीओ भनेको के हो भन्ने थाहा होला तर पछिल्लो समय भित्रिएका नयाँ लगानीकर्ताहरुलाई भने यसका बारेमा थाहा नहुन सक्छ । मिर्मिरे लघुवित्तले अंंकित मूल्यमै एफपीओ निष्कासन गरेको होे । पछिल्लो समय लगातार विभिन्न क्षेत्रका कम्पनीहरुको आईपीओ निष्कासन भइरहेको छ । यस बिचमा मिर्मिरे लघुवित्त वित्तीय संस्थाले आज देखि एफपीओ विक्री खुला गरेको छ । कतिपय लगानीकर्ताले एफपीओ भनेको के हो ? यो दोस्रो बजारमा कति मूल्यमा कारोबार हुन्छ भन्ने जस्ता प्रश्न गरिरहेको छन् । कुनै पनि धितोपत्रको प्रारम्भिक सार्वजनिक निष्कासन अर्थात आईपीओ जारी गरे पश्चात सूचीकरण भैसकेको संगठित संस्थाले पुँजी वृद्धि गर्नु परेमा धितोपत्रको थप सार्वजनिक निष्कासन गर्न सक्छ र यसलाईनै एफपीओ भनिन्छ । यो निष्कासन गर्नका मुख्य कारण संगठित संस्थाले आफ्नो व्यवसाय वृद्धि वा विस्तार गर्न नै हो । यसोत कतिपयले भने सूचीकृत कम्पनीको कूल चुक्ता पुँजीको ७० प्रतिशत संस्थापक शेयरधनीको र ३० प्रतिशत सर्वसाधारण शेयरधनीको हुने प्रावधान रहेको हुनाले पनि उक्त अनुपात कायम नभएमा सो पुँजी कायम गर्न कम्पनीहरुले एफपीओ निष्कासन गर्छन् । अंकित मूल्यमा प्रिमियम थप गरी कम्पनीले एफपीओ निष्कासन गर्ने गर्दछन् । मिर्मिरे लघुवित्तले पनि शेयर संमरचना मिलाउनको लागि एफपीओ निष्कासन गर्न लागेको हो । यस कम्पनीको संस्थापकतर्फ ७१ प्रतिशत र सर्वसाधारणतर्फ २९ प्रतिशत शेयर स्वामित्व रहेको छ । नेपाल राष्ट्र बैंकको निर्देशनबमोजिम कम्पनीले कुल जारी पूँजीको ३० प्रतिशत शेयर सर्वसाधारणमा छुट्याउनुपर्ने व्यवस्थाअनुसार एफपीओ जारी गर्न लागेको हो । बोर्डको प्रावधान अनुसार एफपीओ निष्कासन गर्नका लागि कम्पनीले लगातार तीन वर्ष नाफा गरेको, कारोबार शुरु गरेको पाँच वर्ष पुरा भएको, औषतमा क्रेडिट रेटिङ राम्रो पाएको हुनुपर्छ । एफपीओका फाइदाहरू भन्नु पर्दा मुख्य रुपमा सूचीकृत कम्पनीहरुले आफ्नो व्यवसाय वृद्धि गर्न आवश्यक पुँजी प्राप्त गर्न सक्छन् । प्रिमियम सहितको मूल्यमा निष्कासन गर्दा प्रिमियम बापत प्राप्त रकम जगेडा कोषमा जाने र सोबाट भविस्यमा बोनस शेयर समेत दिन सक्छन् । एफपीओ मार्फत नयाँ शेयरधनीहरूको प्रवेश हुने र सूचीकृत कम्पनीको साखमा समेत अभिवृद्धि हुने अवस्था रहन्छ । यस मिर्मिरे लघुवित्त वित्तीय संस्थाले आज देखि अंकित मूल्यमा १ लाख २३ हजार ८१६ दशमलव ४५ कित्ता एफपीओ निष्कासन तथा विक्री खुला गरेको छे । यस एफपीओमा आवेदकले न्यूनतम १० कित्ता र अधिकतम एक हजार कित्तासम्म आवेदन दिन सक्नेछन् । एफपीओ निष्कासन बन्द मिती छिटोमा असोज ३० गते र ढिलोमा कात्तिक ९ गते रहेको छ । आवेदकले विक्री प्रबन्धक नेपाल एसबिआई मर्चेण्ट बैंकिङ्गसँगै धितोपत्र बोर्डबाट स्वीकृती प्राप्त गरेका सि आस्वा सदस्य बैंक तथा वित्तीय संस्था र तिनका कार्यलयहरुबाट आवेदन दिन सक्नेछन् । त्यस्तै मेरो शेयर एप मार्फत पनि एफपीओमा आवेदन दिन सक्नेछन् ।

Aarthik Abhiyan भाद्र २०८०

लघुवित्तहरु एफपीओ निष्कासनको पाइपलाइनमा, कसको कति एफपीओले पर्खँदैछन् अनुमति?

काठमाडौं। नेपाल धितोपत्र बोर्डको थप सार्वजनिक निष्कासन (एफपीओ) पाइपलाइनका आजभोलि लघुवित्तहरु लामबद्ध देखिन थालेका छन्। किसान, नयाँ सारथी, मिर्मिरे र युनिक

बीजमांडू चैत्र २०७८

किसान लघुवित्तद्वारा शेयरधनीलाई २५ % बोनस शेयर प्रस्ताव

माघ ३, काठमाडौं । किसान लघुवित्त वित्तीय संस्थाले आव २०७७/ ७८ को मुनाफाबाट शेयरधनीलाई लाभांश वितरण गर्ने प्रस्ताव गरेको छ । कम्पनीले २५ प्रतिशत बोनस शेयर वितरण गर्ने प्रस्ताव गरेको हो । उक्त प्रस्ताव नेपाल राष्ट्र बैंकबाट स्वीकृती पाएपछि र कम्पनीको आगामी साधारण सभाबाट पारित भएपछि शेयरधनीले पाउनेछन् । कम्पनीको माघ २ गते बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो । एनआरएन लघुवित्त वित्तीय संस्थाले दिव्य लघुवित्त वित्तीय संस्था, किसान माइक्रोफाइनान्स लघुवित्त वित्तीय संस्थालाई गाभेपश्चात एनआरएन लघुवित्त वित्तीय संस्थाको नामबाट एकीकृत कारोबार शुरु भएको थियो । पछि नेपाल राष्ट्र बैंकको निर्देशन अनुसार कम्पनीकोे नाम परिवर्तन भई किसान लघुवित्त वित्तीय संस्था बनेको हो । उक्त कम्पनीले विभिन्न कम्पनीलाई गाभेका कारण शेयरधनीले बोनस शेयरमा लाग्ने कर भने छूट पाउने छन् । यो पनि हेर्नुस् : एफपीओ निष्कासन गर्ने तयारीमा रहेको किसान लघुवित्तको नाफामा उल्लेख्य वृद्धि किसान लघुवित्तले एफपीओ निष्कासन गर्न धितोपत्र बोर्डमा दियो निवेदन, मूल्य कति ?

Aarthik Abhiyan पौष २०७८

नयाँ सारथी लघुवित्तले एफपीओ निष्कासन गर्न धितोपत्र बोर्डमा दियो निवेदन

असोज १७, काठमाडौं । नयाँ सारथी लघुवित्त वित्तीय संस्थाले एफपीओ निष्कासनको अनुमति माग गर्दै नेपाल धितोपत्र बोर्डमा निवेदन दिएको छ । कम्पनीले प्रतिशेयर ११६ रुपैयाँको दरले ३ लाख २९ हजार ६४९ कित्ता शेयर निष्कासन गर्नका लागि धितोपत्र बोर्डमा भदौ ९ गते निवेदन दिएको हो । कम्पनीले एफपीओ निष्कासनको लागि एनएमबि क्यापिटललाई विक्री प्रबन्धकमा चयन गरेको छ । साविक नयाँ नेपाल लघुवित्त र सारथी लघुवित्त मर्ज भएपछि नयाँ सारथी लघुवित्त बनेको हो । साविक सारथी लघुवित्तले मर्जमा जानु अगाडी आईपीओ निष्कासन नगरेकोले संस्थापक र सर्वसाधारण शेयरधनीको शेयर संरचना मिलाउन कम्पनीले एफपीओ निष्कासन गर्न लागेको जानकारी दिएको छ । यसअघि किसान लघुवित्त वित्तीय संस्थाले पनि प्रतिशेयर १२५ रुपैयाँमा एफपीओ जारी गर्न अनुमति माग्दै धितोपत्र बोर्डमा दिइसकेको छ । कम्पनीले १२ लाख ९८ हजार २५९ कित्ता शेयर निष्कासन गर्न गत असार २९ गते बोर्डसमक्ष अनुमति मागेको हो । यो पनि हेर्नुस् : किसान लघुवित्तले एफपीओ निष्कासन गर्न धितोपत्र बोर्डमा दियो निवेदन, मूल्य कति ?

Aarthik Abhiyan भाद्र २०७८