मोरङ : सुनसरीको दुहवी नगरपालिका-३ बाट एक थान पेस्तोलसहित एकजना पक्राउ परेका छन्। पक्राउ पर्नेमा ईटहरी उपमहानगरपालिका-१२ खनारका ३४ वर्षीय काउ भनिने सुशील साह रहेको प्रहरीले जनाएको छ।पेस्तोल बोकेर हिँडिरहेको भन्ने सूचनाका आधारमा इलाका प्रहरी कार्यालय दुहबीको टोलीले साहलाई मंगलबार राति साढे १० बजे दुहवी-३ बाट पक्राउ गरिएको प्रहरीले जनाएको छ। उनको साथबाट प्रहरीले एक थान कटुवा पेस्तोल र एक थान फिङगर पहुँच बरामद गरिएको छ।
