दोधारा चाँदनी नगरपालिका-२ मा बिहीबार फेला परेको बाघलाई नियन्त्रणमा लिन हात्तीको प्रयोग गरिएको छ । घाँस काटिरहेकी महिलामाथि अचानक आक्रमण गर्दै देखा परेको बाघ नियन्त्रणमा लिन प्रयास भएपनि सफल हुन सकेको छैन । बिहीबार साँझ ४ बजेदेखि ४ घण्टा बढी समयसम्म हात्ती परिचालन गरेर बाघलाई नियन्त्रणमा लिन प्रयास गरिएको थियो । बाघलाई नियन्त्रणमा लिन शुक्लाफाँटा राष्ट्रिय निकुञ्जका ४ वटा हात्ती परिचालन गरिएको हो ।
