जेठ ३, काठमाडौं । नेपाल स्टक एक्सचेञ्ज(नेप्से) ले धितोपत्रको दोस्रो बजारमा तीन ओटा अलग - अलग कम्पनीको कम्पनीको शेयर कारोबार रोक्का गरेको छ ।
नेप्सेले गुराँस लाइफ इन्स्योरेन्स कम्पनी, प्राइम लाइफ इन्स्योरेन्स र युनियन लाइफ इन्स्योरेन्सको शेयर कारोबार रोक्का गरेको हो ।
यी तीन ओटा कम्पनी एक आपसमा गाभिने समझदारी पत्रमा हस्ताक्षर भएसँगै शेयर कारोबार रोक्का भएको हो । ती कम्पनी बीच गत वैशाख २९ गते एकापसमा मर्जरमा जाने प्रारम्भिक सहमतिपत्रमा हस्ताक्षर भएको थियो ।
बीमा समितिको निर्देशन अनुसार न्युनतम चुक्तापूँजी ५ अर्ब रुपैयाँ कायम गर्न ती जीवन बीमा कम्पनीहरु बीच मर्जर सम्झौता भएको हो ।
