फागुन ७, चितवन । चितवन अटोमोबाइल डिलर्स एशोशिएसनको अध्यक्षमा राजन पिया चयन भएका छन ।
शनिवार सम्पन्न एशोशिएसनको पाँचौं वार्षिक साधाण सभा तथा तेस्रो अधिबेसनले पियाको अध्यक्षतामा आगामी दुई वर्षको लागि ११ सदस्यीय नयाँ समिति चयन गरेको हो ।
एशोशिएसनको प्रथम उपाध्यक्षमा इन्द्र प्रसाद रेग्मी द्वितिय उपाध्यक्षमा उत्तम अधिकारी, सचिवमा विमल कुमार पौडेल, कोषाध्क्षमा यज्ञ प्रसाद पौडेल चयन भएका छन । यसैगरी सदस्यमा रबिन कुमार श्रेष्ठ, जनक कुमार ढकाल, बालकृष्ण ओली, भीमसेन श्रेष्ठ र सुरेश कुमार चौधरी चयन भएको निर्वाचन संयोजक अर्जुन अधिकारीले जानकारी दिए ।
उद्योग वाणिज्य संघ चितवनका अध्यक्ष राजु श्रेष्ठको प्रमुख आतिथ्यमा आयोजित उक्त कार्यक्रममा नाडा अटोमोबाइल्स एशोशिएसन अफ नेपालका केन्द्रीय अध्यक्ष ध्रुव थापा, केन्द्रीय सदस्य गोपाल भट्टराई, नेपाल अटोमोबाइल स्पोर्ट एशोशिएसन (नासा) का सल्लाहकार गोविन्द भट्टराई, जिल्ला ट्राफिक कार्यालयका निमित्त कार्यालय प्रमुख अर्जुन पौडेल, निर्वाचन संयोजक अधिकारी लगायतले शुभकामना व्यक्त गरेका थिए ।
निवर्तमान अध्यक्ष ईश्वर कुमार श्रेष्ठको अध्यक्षतामा सम्पन्न सो साधारण सभा तथा अधिवेशनबाट सचिव ईन्द्रप्रसाद रेग्मी र कोषाधयक्ष विमलकुमार पौडेलले प्रस्तुत गरेको प्रगति प्रतिवेदन र आर्थिक प्रतिवेदन अनुमोदन गरिएको छ ।
कार्यक्रममा नाडा अटोमोबाईल्स एशोशिएसन अफ नेपालका केन्द्रीय अध्यक्ष थापा र केन्द्रीय सदस्य भट्टराईलाई सम्मान गरिएको थियो । सो अबसरमा एशोशिएसनले स्मारिका विमोचन गरेको थियो ।
.jpg)
