बागमती प्रदेशमा ३३ राजनीतिक दलको जमानत जफत भएको छ । प्रदेश सभा सदस्य निर्वाचन ऐन २०७४ मा समानुपातिक निर्वाचन प्रणालीअन्तर्गतको निर्वाचनमा कम्तीमा एक सिट प्राप्त नगरेमा उक्त राजनीतिक दलले राखेको धरौटी जफत हुने व्यवस्था रहेको छ । बागमती प्रदेशमा ४० वटा दलले निर्वाचन आयोगमा प्रदेश सभातर्फ बन्दसूची पेस गरेका थिए । समानुपातिक निर्वाचन प्रणालीअन्तर्गतको निर्वाचनमा सहभागी भएकामध्ये सातवटा दलले मात्र समानुपातिक निर्वाचन प्रणालीतर्फ सिट प्राप्त गरेका छन् । ३३ वटा दलको धरौटी जफत भएको छ ।
