काठमाडौं । महिला लघुवित्त वित्तीय संस्था लिमिटेडले यस वर्ष लाभांश वितरण नगर्ने भएको छ । माघ १८ गते बसेको कम्पनीको सञ्चालक समितिको बैठकले गत आर्थिक वर्ष ०७९/८० को मुनाफाबाट कुनै पनि लाभांश वितरण नगर्ने निर्णय गरेको हो ।
सोही बैठकले गत आर्थिक वर्षको वार्षिक प्रतिवेदन सहितका वित्तीय विवरण आगामी वार्षिक साधारण सभामा पेश गर्न स्वीकृतिका लागि नेपाल राष्ट्र बैंकसँग अनुमति माग्ने निर्णय पनि गरेको छ । कम्पनीले आर्थिक वर्ष ०७७/७८ को मुनाफाबाट कुल ५० प्रतिशत र आर्थिक वर्ष ०७८/७९ को मुनाफाबाट कुल ५० प्रतिशत लाभांश वितरण गरेको थियो ।
विगतका वर्षहरूमा उच्च लाभांश वितरण गरेको कम्पनीले यस वर्ष भने लगानीकर्ताको हात खाली बनाएको हो ।