सुन्दा राम्रो सुनिने र भन्दा मानिने सुशासनको व्यावहारिक कार्यान्वयन पक्ष अति नै चुनौतीपूर्ण छ । कुनै पनि मुलुकको सुशासनको मियो त्यहाँको सरकार हो; तथापि बहुस्तरीय शासकीय संरचनाको प्रभाव रहेको हाम्रो वर्तमान शासन प्रणालीमा सुशासनको प्रत्याभूति दिलाउनका लागि सरकारका अतिरिक्त निजी क्षेत्र, सहकारी क्षेत्र, नागरिक समाज, गैरसरकारी संस्थाको साथै आम नागरिकसमेत सजग, सचेत र जिम्मेवार हुनुपर्छ ।
नेपालको परिप्रेक्ष्यमा जब मुलुक विषम परिस्थितिमा फसिरहेको हुन्छ तब सुशासनको अवस्था कमजोर बन्दै गएको पाइन्छ; जसलाई भूकम्पको समयमा भएको राहत सामग्रीको खरिददेखि कोरोना महाव्याधिमा भइरहेको खोप खरिद प्रक्रियामा नागरिकस्तरबाट उठाइएको अनियमिताको प्रश्नले पुष्ट्याइ गर्छ
