एजेन्सी। च्याम्पियन्स लिग फुुटबलको सेमिफाइनलको पहिलो लेगमा आज फ्रान्सेली क्लब पेरिस सेन्ट जर्मेन (पीएसजी) र इङ्लिस क्लब म्यानचेष्टर सिटी भिड्दै छन्। पीएसजीको घरेलु पार्क डेस प्रिन्सेस रंगशालामा हुने खेल नेपाली समयअनुसार राति १२ः४५ बजेदेखि सुरु हुनेछ। पीएसजीले क्वाटरफाइनलमा साविक विजेता बार्यन म्युनिखलाई र सिटीले बोरुसिया डर्टमण्डलाई पराजित गर्दै सेमिफाइनलमा स्थान बनाएको हो।
