स्वर्गीय राजा वीरेन्द्र शाहको सालिक राख्ने प्रयासमा प्रहरी प्रशासनले हस्तक्षेप गरेपछि नेपालगञ्जस्थित धम्बोजी चोक (वीरेन्द्र चोक) तनावग्रस्त भएको छ । प्रहरी र राजावादी समूहबीच झडपमा ढुंगा हानाहान भएको थियो भने प्रहरीले स्थिति नियन्त्रणमा लिन केही राउन्ड हवाईफायर समेत गरेको थियो । आज दरबार हत्याकाण्डको दिनको सन्दर्भ पारेर केही समूहहरु वीरेन्द्रको सालिक पुनःस्थापना गर्न भेला भएका थिए ।
