धनकुटा– धनकुटाको छथर जोरपाटी गाउँपालिका अध्यक्षमा नेपाली कांग्रेसका छत्रबहादुर सुब्बा ४ हजार ३५९ मत ल्याएर निर्वाचित हुनुभएको छ ।
सुब्बाले निकटतम एमालेका उम्मेदवार शेरबहादुर लिम्बुलाई १९५ मतान्तरले पराजित गर्नुभयो । लिम्बूले चार हजार १६४ ल्याउनुभएको छ । उपाध्यक्षमा नेकपा माओवादी केन्द्रकी गीता खेवा चार हजार ३८७ मत सहित निर्वाचित हुनुभएको छ । एमालेकी गोमा कार्कीले तीन हजार ६९१ मत प्राप्त गर्नुभयो ।
